یاریگا –
لیڤەرپوول لەگەڵ ئێنتراخت فرانکفورت گەیشتە رێککەوتن و گرێبەستێکی دیکەی گەورەی یەکلایی کردەوە، هوگۆ ئێکیتیکێ وەرزی داهاتوو درێسی رێدز دەپۆشێت.
فلۆریان پلێتینبێرگ رۆژنامەنووسی ئەڵمانی لە کەناڵی سکای سپۆرتس ئاشکرایکردووە، لیڤەرپوول هەموو شتێکی بۆ گواستنەوەی ئێکتیکێ تەواو کردووە و هێرشبەرەکەی فرانکفۆرت بەرامبەر 95 ملیۆن یۆرۆ دەگوازێتەوە ریزەکانی، کە بەشێکی پارەی گرێبەستەکەی بە ئاست و دەستکەوتەکانی یاریزانەکە بە درێسی رێدز بەستراوەتەوە.
🚨🧨 BREAKING | Hugo #Ekitike to Liverpool is considered a done deal!
A full agreement with Eintracht Frankfurt in principle has now been reached after new talks today. Transfer fee: €95 million with add-ons included.
Contract until 2031. Medical to take place soon. The next… pic.twitter.com/32eeISDuCy
— Florian Plettenberg (@Plettigoal) July 20, 2025
پلێتینبێرگ راشیگەیاندووە، بە زووترین کات وادەی پشکنینە پزیشکییەکانی ئێکتیکێ دەستنیشان دەکرێت و ئەو یاریزانە تاوەکو 2031 دەبێتە یاریزانی لیڤەرپوول، کە نرخی گرێبەستەکەی بەبێ پاداشت 78 ملیۆن یۆرۆ دەبێت.
هوگۆ ئێکیتیکێ هاوینی رابردوو بەبڕی 16.5 ملیۆن یۆرۆ لە پاریس سانجێرمانەوە پەیوەندی بە فڕانکفورت کرد و تاوەکو هاوینی 2029 گرێبەستی لەگەڵ یانە ئەڵمانییەکە واژۆ کردبوو، بەگوێرەی ماڵپەڕی ترانسفێر مارکێت، بەهای ئێستای هێرشبەرە 22 ساڵانییەکە لە بۆڕسەی یاریزانان 75 ملیۆن یۆرۆیە.
هوگۆ لە وەرزی رابردوو لە سەرجەم پاڵەوانێتییەکان 48 یاریی بۆ فرانکفورت کردووە و بەشداریی 34 گۆڵی کردووە، 22 گۆڵی کردووە و 12 گۆڵیشی دروستکردووە.
