تەواو؛ ئۆبامیانگ دەگەڕێتەوە ئەوروپا و لەگەڵ یانەیەک رێککەوت
یاریگا –
مارسیلیا لەگەڵ پیێر ئێمریک ئۆبامیانگ، هێرشبەری گابۆنی گەیشتە رێککەوتنی کۆتایی.
رۆژنامەی لیکیپ بڵاویکردووەتەوە، یانەی مارسیلیای فەڕەنسی لەگەڵ پیێر ئێمریک ئۆبامیانگ، هێرشبەری گابۆنی گەیشتووتە رێککەوتنی کۆتایی و گرێبەستێک بۆ ماوەی دوو وەرز و تاوەکو هاوینی 2027 لەگەڵ گۆڵکارە گابۆنییەکە واژۆ دەکات.
Après avoir résilié son contrat avec Al-Qadisiya, l'attaquant gabonais Pierre-Emerick Aubameyang a choisi de refuser une dernière offre du club saoudien d'Al-Ettifaq pour privilégier un retour à l'OM, où il va s'engager jusqu'en juin 2027
➡️ https://t.co/2rTyFyS7Ak pic.twitter.com/u1S66OpKgh— L'Équipe (@lequipe) July 19, 2025
ئۆبامیانگ ماوەی 17 ساڵە وەک یاریزانی پیشەگەر یاریی دەکات و درێسی یانەکانی ئەیسی میلان، لیل، مۆناکۆ، بۆرووسیا دۆرتموند، ئارسیناڵ، بارسێلۆنا، چێڵسی، مارسیلیای پۆشیووە و هاوینی رابردووش بە گرێبەستێکی دوو ساڵە روویکردە یانەی قادسیەی سعوودیە کە تازە سەرکەوتبوو بۆ خولی رۆشەنی ئەو وڵاتە.
بەڵام لەم هاوینە گرێبەستەکەی لەگەڵ یانە سعوودیەکە هەڵوەشاندەوە و بڕیاریدا جارێکی دیکە بگەڕێتەوە ئەوروپا و درێسی مارسیلیای فەڕەنسی بپۆشێتەوە.
ئۆبامیانگ بە درێسی سەرجەم یانەکان بەشداریی 728 یاریی کردووە، 370 گۆڵی کردووە و 103 گۆڵی دروستکردووە.
لە وەرزی 2023/2024 بە درێسی مارسیلیای فەڕەنسی لە سەرجەم پاڵەوانێتییەکان بەشداریی 51 یاریی کرد، 30 گۆڵی کرد و 11 گۆڵی دروستکرد.
