یاریگا –
لە سەرەتای مێركاتۆی هاوینەدا ناوی لویس دیاز بە رۆیشتن لە لیڤەرپوول بەستراوەتەوە و هەریەک لە یانەكانی بارسێلۆنا و بایرن میونشن هەوڵی بەدەستهێنانی تواناكانی دەدەن.
لویس دیاز لە هاوینی 2022 لە ریزەكانی پۆرتۆ بە بەهای 54 ملیۆن یۆرۆ پەیوەندی بە لیڤەرپوولەوە كرد و گرێبەستی هێرشبەرە کۆڵۆمبییەکە لەگەڵ لیڤەرپوول لە هاوینی 2027 بەسەردەچێت، بەهای ئێستای یاریزانەکە لە بۆڕسەی یاریزانان 70 ملیۆن یۆرۆیە.
🚨🔴 Luis #Diaz has not only informed Liverpool of his desire to leave, but has now also made it clear to #LFC that he would like to join FC Bayern if possible. The transfer is approved by Vincent Kompany.
There is no full agreement between Bayern and Díaz yet. However, personal… pic.twitter.com/zBRrO9Qk85
— Florian Plettenberg (@Plettigoal) July 18, 2025
بە گوێرەی زانیارییەكانی فلۆریان پلێتنبێرگ، لویس دیاز خواستی خۆی بۆ رۆیشتن لە لیڤەرپوول دەربڕیوە و بە روونی بە یانەكەی راگەیاندووە دەیەوێت پەیوەندی بە بایرن میونشنەوە بكات.
ڤینسێنت كۆمپانی راهێنەری بایرن میونشن گواستنەوەكەی پەسندكردووە و گڵۆپی سەوزی بۆ گواستنەوەكە هەڵكردووە.
تاوەكو ئێستا بایرن میونشن و لویس دیاز نەگەیشتوونەتە رێككەوتنی كۆتایی، یانە ئەڵمانییەكە هەوڵی رازیكردنی لیڤەرپوول دەدات.
بارسێلۆنا هێشتا هەوڵی بەدەستهێنانی یاریزانەكە دەدات بەڵام ناتوانێت ناوی تۆمار بكات.
لویس دیاز لەگەڵ لیڤەرپوول 148 یارییكردووە و 41 گۆڵیكردووە و 23 گۆڵیشی درووستكردووە.
