یاریگا –
دوای سەرکەوتنی دهۆک و زاخۆ بۆ یاریی کۆتایی جامی عێراق، سەرۆک نێچیرڤان بارزانی و مەسرور بارزانی پەیامی پیرۆزباییان بڵاوکردەوە و هیوای سەرکەوتن بۆ دوو یانەکەی کوردستان دەخوازن.
سەرۆک نێچیرڤان بارزانی سەرۆکی هەرێمی کوردستان لە پلاتفۆرمی ئێکس پەیامێکی پیرۆزبایی ئاڕاستەی دوو یانەکەی کوردستان کردووە و نووسیویەتی :’لە دڵەوە پیرۆزبایی لە یانەکانی دهۆک و زاخۆ دەکەم بۆ گەیشتنیان بە یاریی کۆتایی جامی عێراق، هەردوو یانەکە و یاریزانەکانی جێگای شانازین، هیوای سەرکەوتنیان بۆ دەخوازم’.
ژ دل و ب گه‌رمی پیرۆزباهیێ ل هه‌ردو تیمێت ته‌پا پێی یێت دهۆک و زاخۆ دکه‌م کو سه‌رکه‌فتن و گه‌هشتنه یارییا دویماهیێ یا جاما عیراقێ.
هه‌ردو تیم و هه‌می یاریزانێت وان، جهێ شانازییێنه. ده‌ستخۆشیێ لێ دکه‌م و هیڤییا سه‌رکه‌فتنێت به‌رده‌وام بۆ وان دخازم.
— Nechirvan Barzani (@IKRPresident) July 13, 2025
مەسرور بارزانی سەرۆکی حکومەتی هەرێمی کوردستان لە پەیامێکی پیرۆزباییدا، هیوای سەرکەوتنی بۆ دوو یانەکەی بادینان خواستووە و سەرۆکوەزیرانی کوردستان لە پلاتفۆرمی ئێکس دوای سەرکەوتنی دهۆک و زاخۆ بۆ یاریی کۆتایی جامی عێراق نووسیویەتی :’ئەم سەرکەوتنە دەستکەوتێکی گەوەرەیە بۆ تەواوی کوردستانیان، هیوای من سەرکەوتنی ئێوەیە’.
ب هەلکەفتا گەهشتنا وە بۆ یاریا دووماهیێ یا جاما عێراقێ، گەرمترین پیرۆزباهییان ل هەردوو تیپێن تەپاپێی یێن دهۆک و زاخۆ دکەین.
ئەڤ دەستکەفتە گرۆڤەیە ل سەر شیان و بەهرەیا گەنجێن مە و شانازیەکا مەزنە بۆ تەڤ کوردستانییان. هیڤییا من، سەرکەفتنا وەیە.— Masrour Barzani (@masrourbarzani) July 13, 2025
دهۆک و زاخۆ بە بردنەوەیان لە قوە جەوییە و شوڕتە بۆیەکەمجار لە مێژوویاندا گەیشتنە یاریی کۆتایی جامی عێراق و بۆیەکەمجار لە مێژوودا بەدەستهێنانی جامی عێراق لەلایەن یانەیەکی کوردستان مسۆگەر بوو، کە پێشتەر هەرگیز هیچ یانەیەکی کوردستان نازناوەکەی بەدەست نەهێناوە.
رۆژی چوارشەممە یاریی کۆتایی جامی عێراق لە نێوان دهۆک و زاخۆ لە بەغدا بەڕێوە دەچێت، بەڵام تاوەکو ئێستا بەفەرمی یاریگای یارییەکە دەستنیشان نەکراوە.
