فەرمی؛ گۆڵکارێکی ناودار گەڕایەوە سێریا ئەی
سێیەم یانەی ئیتاڵییە درێسیی دەپۆشێت..
یاریگا –
بەشێوەیەکی فەرمی ئێدین دزیکۆ گەڕایەوە سێریا ئەی و پەیوەندی بە فیۆرێنتینا کرد.
یانەی فیۆرێنتینا رایگەیاند، بەشێوەیەکی فەرمی لەگەڵ ئێدین دزیکۆ، هێرشبەری بۆسنی گەیشتوومەیە رێککەوتن و گرێبەستیان بۆ ماوەی دوو وەرز لەگەڵ هێرشبەرە 39 ساڵانییەکە واژۆکردووە.
دزیکۆ لەم هاوینە گرێبەستەکەی لەگەڵ فەنەرباچێی تورکی کۆتاییهات و بەخۆڕایی پەیوەندی بە یانە ئیتاڵییەکە کرد.
Edin Dzeko is a Viola💜⚜️#forzaviola #fiorentina pic.twitter.com/mOdW1ubUAM
— ACF Fiorentina English (@ACFFiorentinaEN) July 10, 2025
هێرشبەرە بۆسنییەکە پێشتر لە سێریا ئەی یاریی بۆ یانەکانی رۆما و ئینتەر میلان کردووە، لە پرێمەرلیگ یاریی بۆ مانچێستەر سیتی کردووە و لە ئاڵمانیاش درێسی فۆڵفسبورگی پۆشیووە.
بەدرێسی سەرجەم یانەکان بەشداریی 837 یاریی فەرمی کردووە، 369 گۆڵی کردووە و 153 گۆڵی دروستکردووە.
دوو نازناوی پرێمەرلیگ، نازناوێکی بۆندسلیگا، دوو جامی ئیتاڵیا، یەک جامی یەکێتی ئینگڵتەڕا، یەک جامی خولی ئینگڵتەڕا و دوو نازناوی جامی سوپەری ئیتاڵیای بەدەستهێناوە.
Welcome to Fiorentina, @EdDzeko ✍🏻💜⚜️#forzaviola #fiorentina pic.twitter.com/buun5Yje55
— ACF Fiorentina English (@ACFFiorentinaEN) July 10, 2025
