فەرمی؛ ئارسیناڵ سێیەم گرێبەستی راگەیاند
یاریگا –
ئارسیناڵ بەشێوەیەکی فەرمی كریستیان نۆرگاردی دانیماركی و ناوەڕاستی پێشووی یانەی برێنتفۆردی ئینگلیزی گواستەوە ریزەكانی.
ئارسیناڵ بەشێوەیەکی فەرمی رایگەیاند، لەگەڵ كریستیان نۆرگارد، ناوەڕاستی دانیماركی گەیشتووەتە رێککەوتنی کۆتایی و گرێبەستێکی بۆ ماوەی دوو وەرز لەگەڵ بژاردەی نوێکردنەوەی بۆ وەرزێکی دیکە لەگەڵ یاریزانە 31 ساڵانییەکە واژۆکردووە.
ئارسیناڵ لەبەرامبەر گواستنەوەی یاریزانەکە 15 ملیۆن پاوەند بە برێنتفۆرد دەدات و نۆرگارد درێسی ژمارە 16ـی گەنەرز دەپۆشێت.
Bringing a wealth of experience.
Christian Nørgaard is a Gunner ✍️ pic.twitter.com/hggNBiopmT
— Arsenal (@Arsenal) July 10, 2025
ئارسیناڵ لە مێركاتۆی هاوینەدا تاوەكو ئێستا گرێبەستی لەگەڵ كێپا ئاریزابالاگا و مارتن زوبیمێندی و کریستیان نۆرگارد واژۆكردووە.
نۆرگارد لە هاوینی 2019 بەبڕی 3.50 ملیۆن یۆرۆ لە فیۆرێنتیناوە پەیوەندی بە برێتفۆرد کرد و تاوەکو 2027 گرێبەستی لەگەڵ یانەکەی هەبوو.
بەدرێسی برێنتفۆرد لەسەرجەم پاڵەوانێتییەکان بەشداریی 196 یاریی کردووە، 13 گۆڵی کردووە و 18 گۆڵی دروستکردووە.
