تەواو؛ هێرشبەرە لێهاتووەکەی خولی ئیتاڵی بۆ خولی سعوودیە
یاریگا –
سعوودیەکان بەردەوامن لە پەلکێشکردنی ئەستێرە دیارەکانی ئەوروپا و ئەمجارەش هێرشبەرێکی لێهاتوویان رازی کرد.
بەگوێرەی زانیارییەکانی فابریزۆ رۆمانۆ، یانەی قادسیەی سعوودیە رێککەوتنی لەگەڵ ئاتاڵانتا یەکلایی کردەوە بۆ گواستنەوەی ماتیۆ رێتێگی.
رۆمانۆ نووسیویەتی بەهای گۆڵکارەکەی وەرزی رابردووی خولی ئیتاڵی بۆ قادسیە، بڕی 67 ملیۆن یۆرۆیە بە گۆڕانکارییەکانەوە دەبێت بیدات بە ئاتاڵانتا.
لە درێژەی زانیارییەکانی رۆژنامەنووسە ئیتاڵیەکەدا هاتووە کە گرێبەستی یاریزانە 26 ساڵێەکە لەگەڵ قادسیە بۆ ماوەیەکی درێژ دەبێت. ئەو مووچەیەشی لەگەڵ سعوودیەکان پێی دەدرێت 6 هێندەی ئەوەیە لە ئیتاڵیا وەریدگرێت.
🚨🇸🇦 Mateo Retegui to Al Qadsiah, here we go! Agreement in place with Atalanta for Italian striker to join Saudi Pro League.
Package up to €67m with add-ons to Atalanta…
…and Retegui will sign long term contract for salary over x6 current one he had in Italy. pic.twitter.com/N1TcnV8F0u
— Fabrizio Romano (@FabrizioRomano) July 9, 2025
رێتیگی وەرزی رابردوو لەگەڵ ئاتاڵانتا بە تۆمارکردنی 25 گۆڵ پێشەنگی گۆڵکارانی سێریائەی بوو.
