یاریگا –
لالیگا داواکەی ریال مەدرید بۆ دواخستنی یەکەم یاریی وەرزی نوێی لالیگا رەتدەکاتەوە.
دووشەممەی رابردوو 7ـی تەمموز، ریال مەدرید داوایەکی فەرمی پێشکەشی کۆمەڵەی لالیگا کرد بۆ ئەوەی یاریی بەرامبەر ئۆساسۆنا لە گەڕی یەکەمی خولەکە بۆ رۆژی 29ـی ئۆکتۆبەر دوابخرێت، لەکاتێکدا وابڕیارە رۆژی 19ـی ئۆگێست/ئاب یارییەکە بکرێت، چونکە یانەکە بڕوای وایە کاتی پێویستی نییە بۆ ئەوەی خۆی بۆ یارییەکەی گەڕی یەکەمی لالیگا ئامادە بکات.
بەڵام بەگوێرەی زانیارییەکانی رادیۆی کادینا سێر، لالیگا داواکەی ریال مەدریدی رەتکردووەتەوە و بە یانە مەدریدییەکەی راگەیاندووە بڕوایان وایە هیچ هۆکارێکی لۆژیکی نییە بۆ ئەوەی یارییەکە دوابخەن و لەکاتی خۆیدا بەڕێوەدەچێت.
🚨‼️ LaLiga responde al Real Madrid: NO ve motivos para aplazar el partido ante Osasuna de la jornada 1
👉 "En el hipotético e improbable caso de que el Juez Único de Competición lo aplace, será LaLiga quien proponga nueva fecha"
🎙️ Informa @antonmeana pic.twitter.com/bll12w9j4Q
— Carrusel Deportivo (@carrusel) July 9, 2025
ئەمڕۆ چوارشەممە ریال مەدرید لە قۆناخی پێش کۆتایی مۆندیالی یانەکان رووبەڕووی پاریس سانجێرمان دەبێتەوە و ئەگەر بگاتە یاریی کۆتاییش رۆژی 13ـی ئەم مانگە لە ئەمریکا یاریی کۆتایی مۆندیالی یانەکان دەکات، ئینجا دەگەڕێتەوە ئیسپانیا، واتە یاریزانەکانی یانە مەدریدییەکە تەنیا مانگێکیان دەبێت بۆ پشوودان و دەستکردنەوە بە ئامادەکارییەکانیان بۆ وەرزی نوێ.
