بۆچی برێنتفۆرد دوو ئۆفەری گەورەی مانچێستەر یونایتدی رەتکردووەتەوە؟
تەنیا بە یەک رێگە دەستبەرداری ئێمبوێمۆ دەبن..
یاریگا –
برێنتفۆرد بۆ دەستبەرداربوون لە بریان ئێمبوێمۆ، هێرشبەری کامێرۆنی داوای 65 ملیۆن پاوەند دەکات.
رۆژنامەی میرەر بڵاویکردووەتەوە، برێنتفۆرد دوو ئۆفەری جیاوازی مانچێستەر یونایتدی بە بەهای 55 ملیۆن پاوەند و 62.5 ملیۆن پاوەندی بۆ دەستبەرداربوون لە بریان ئێمبوێمۆ رەتکردووەتەوە.
بەگوێرەی زانیارییەکانی رۆژنامە بەریتانییەکە، برێنتفۆرد ئامادە نییە بە کەمتر لە 65 ملیۆن پاوەند دەستبەرداری هێرشبەرە 25 ساڵانییەکەی ببێت و بەڕوونی شەیتانە سوورەکانی ئاگادارکردووەتەوە ئەگەر ئێمبوێمۆیان دەوێت پێویستە 65 ملیۆن پاوەند بخەنە خەزێنەی یانەکە.
Man Utd are still in talks with Brentford over a deal for Bryan Mbeumo 💬
And with talks set to continue, Ruben Amorim wants him in the building before the club's pre-season tour | @DiscoMirrorhttps://t.co/fd2sctDJ6h pic.twitter.com/hud2VmM88C
— Mirror Football (@MirrorFootball) July 8, 2025
هەفتەی رابردوو رۆژنامەنووسی تۆڕی ئاتلێتیک دەیڤد ئۆرنشتاین ئاشکرایکرد، ئێمبوێمۆ تۆتنهام و برێنتفۆرد ئاگادارکردووەتەوە لەم هاوینە پەیوەندی بە مانچێستەر یونایتد دەکات و نایەوێت جگە لە شەیتانە سوورەکان گرێبەست لەگەڵ هیچ یانەیەکی دیکە واژۆ بکات.
ئێمبوێمۆ تاوەکو هاوینی 2026 گرێبەستی لەگەڵ برێنتفۆرد هەیە و بژاردەی ئەوەی لەبەدەستە بۆ 12 مانگی دیکەش گرێبەستەکەی نوێبکاتەوە، بەڵام نایەوێت بمێنێتەوە و دڵی بۆ مان یونایتد لێدەدات.
مانچێستەر پارەی تەواوی بۆ گواستنەوەی یاریزانەکە لەبەردەستە بەبێ ئەوەی پێویست بکات هیچ یاریزانێکی بفرۆشێت، بەڵام یانەکە دەیەوێت خۆی لە پێشێلکردنی یاسای دارایی خاوێن بپارێزێت.
