یاریگا –
قاچی جەمال موسیالا، هێرشبەری ئەڵمانی بەسەختی تووشی پێکان بووە و ماوەیەکی زۆر دووردەکەوێتەوە.
ماڵپەڕی فەرمی بایرن میونشن بڵاویکردووەتەوە، ئەمڕۆ پشکنینی پزیشکی بۆ جەمال موسیالا کراوە، دەرکەوتووە ئێسکی تەڵەزمەی شکاوە و پاژنەی پێیشی دەرچووە، ئەمڕۆ یەکشەممە، لە ئۆرلاندۆوە بەرەو میونشن گەشتی کردووە و بەمزووانە نەشتەرگەری بۆ دەکرێت.
ماکس ئێبڕەڵ، بەڕێوبەری وەرزشی بایرن میونشن ئاشکرایکرد پێکانەکەی جەمال موسیالا زۆر سەختە و ماوەیەکی زۆر دادەبڕێت.
ئەم پێکانە سەختە، کە دەبێتە دابڕان بۆ ماوەیەکی زۆر، شۆکێکی گەورەیە بۆ هەمووان و خودی جەمال موسیالاش، گورزێکی گەورەیە بەر بایرن میونشن کەوتووە.
هەمووان دەزانن جەمال چەند گرنگە بۆ تیپەکە و چ کاریگەرییەک لەسەر هێڵی پێشەوە دروست دەکات، جیا لەوەش لەلایەنی مرۆییشەوە زیانێکی گەورە و تاڵە، جەمال بەمدواییە لەپێکان گەڕاوەتەوە بەڵام ئێستا دەبێت ماوەیەکی درێژ دووربکەوێتەوە.
Sprunggelenksluxation und Wadenbeinbruch: Jamal Musiala fällt lange aus.
Gute und schnelle Genesung, Jamal! 🙏 Wir stehen alle hinter dir! ❤️
🔗 https://t.co/WMF2qNj0r1 pic.twitter.com/LWx6WsYyvg
— FC Bayern München (@FCBayern) July 6, 2025
دوێنێ شەممە 5ـی تەمموزن، لە یارییەکانی قۆناخی چارەکی کۆتایی جامی جیهانی یانەکان بایرن میونشن و پاریس سانجێرمان رووبەڕووبوونەوە، پاریس 2-0 یارییەکەی بردەوە و خۆی گەیاندە قۆناخی پێشکۆتایی.
بەڵام لە دواساتەکانی گێمی یەکەم بەهۆی بەریەککەوتنێکی تووندی جیانلویجی دۆناروما، گۆڵپارێزی پاریس لەگەڵ جەمال موسیالا، ئەستێرە ئەڵمانییەکە تووشی پێکانێکی سەخت بوو.
