تەواو؛ ئارسیناڵ لەگەڵ یاریزانە دڵخوازەکەی رێککەوت
یاریگا –
ئارسیناڵ لەگەڵ نۆنی مادوێکی لەسەر بەندە کەسییەکانی رێککەوت و لەگەڵ چێڵسی لەگفتوگۆدایە بۆ ئەوەی ئەو یاریزانە 23 ساڵانە بگوازێتەوە ریزەکانی.
فلۆریان پلێتینبێرگ رۆژنامەنووسی ئەڵمانی لە کەناڵی سکای سپۆرتی ئەڵمانی ئاشکرایکردووە، ئارسیناڵ لەگەڵ نۆنی مادوێکی یاریزانی لاوی چێڵسی رێککەوتووە و ئەو یاریزانە 23 ساڵانە رووناکی سەوزی بۆ پەیوەندیکردنی بە ریزەکانی گەنەرز هەڵکردووە.
🚨🔴⚪️ BREAKING | Understand personal terms between Arsenal and Noni #Madueke are almost agreed!
23 y/o winger has given the green light to join Arsenal. An offer was already submitted to Madueke, as exclusively revealed 4 days ago.
No agreement yet between Chelsea and Arsenal,… pic.twitter.com/GaBapvf9Kx
— Florian Plettenberg (@Plettigoal) July 5, 2025
مادوێکی (23 ساڵان) ئێستا لە بۆرسەی یاریزانان بەهایەکەی 40 ملیۆن یۆرۆیە و تاوەکو هاوینی 2030 گرێبەستی لەگەڵ چێڵسی هەیە، کە سەرەتای ساڵی 2023 بەرامبەر 35 ملیۆن یۆرۆ لە ئایندهۆڤنی هۆڵەندییەوە پەیوەندی بە ریزەکانی بلووزەوە کرد.
مادوێکی وەرزی رابردوو لە سەرجەم پاڵەوانێتییەکان لە 45 یاری 11 گۆڵ و 5 ئەسیستی کرد، کە بە درێسی هەڵبژاردەی ئینگلتەرا خاوەنی 7 یاریی نێودەوڵەتییە.
