فەرمی؛ گرێبەستێکی گەورەی دیکەی چێڵسی راگەیەندرا
یاریگا –
یانەی چێڵسی لە پرۆسەی کڕینەکانی بەردەوامە و ئەمجارەش ئەستێرەیەکی ناسراوی گواستەوە.
بەگوێرەی راگەیەندراوێکی فەرمی لە یانەی دۆرتموندەوە، جێمی بیۆنی گیتێنزی یاریزانیان یانەکەیان جێدەهێڵێت و پەیوەندی بە بلووزەوە دەکات.
یانە ئەڵمانییەکە رایگەیەندووە کە جارێ وردەکاریی گواستنەوەکە ناخرێتەروو. ئەوە لەکاتێکدایە کە هەردوو یانەی فرۆشیار و کڕیار ئێستا لە ویلایەتە یەکگرتووەکانی ئەمریکان و گەیشتوونەتە چارەکی کۆتایی مۆندیالی یانەکان.
ℹ️ Borussia Dortmunds Offensivakteur Jamie Gittens steht vor einem Wechsel zum FC Chelsea. Darauf einigten sich alle beteiligten Parteien am heutigen Donnerstag in Fort Lauderdale (USA). Die vertraglichen Details sind noch abzuwickeln.
🔗 https://t.co/WGeVKeMOlk pic.twitter.com/paohHNbx59
— Borussia Dortmund (@BVB) July 3, 2025
فابریزۆ رۆمانۆ بڕی گواستنەوەکەی ئاشکراکردووە کە 55 ملیۆن پاوەندە.
🚨🔵 Borussia Dortmund confirm deal agreed for Jamie Bynoe-Gittens to join the club for £55m fee. pic.twitter.com/eV0gOVR7rC
— Fabrizio Romano (@FabrizioRomano) July 3, 2025
یەکلاییکردنەوەی گواستنەوەی گیتێنزی تەمەنی 20 ساڵ کە لە باڵی چەپ یاریدەکات، دوای تەنها رۆژێک دێت لە گرێبەستە گەورەکەی بلووز کە جواو پێدرۆی هێرشبەری بە بڕی 60 ملیۆن پاوەند لە بڕایتنەوە گواستەوە.
بە گواستنەوەی گیتێنز، چێڵسی توانی گرەوی خۆی لە دۆرتموند بباتەوە دوای ئەوەی 12 مانگی رابردوو سباستیان کێڵی بەڕێوەبەری وەرزشی یانە ئەڵمانییەکە ئاشکرایکرد کە بەهۆی نرخی یاریزانەکەوە نەگەشتوونەتە رێککەوتن لەگەڵ یانە لەندەنییەکە.
یاریزانەکەی باڵی چەپ کە هەر لە لاوێتیەوە لەگەڵ چێڵسی دەستیپێکرد، وەرزی رابردوو 48 یاریی بۆ زەردەواڵەکان لە سەرجەم پاڵەوانیەتییەکاندا کرد. توانی 12 گۆڵ و پێنج ئەسیست بکات.
