ئالۆنسۆ دەبێتە مامۆستای ئێمباپێ، بۆ یارییەکەی دۆرتمۆند ئامادەیە؟
یاریگا –
کیلیان ئێمباپێ یەکەم یاری خۆی لە ژێر سەرپەرشتی چابی ئالۆنسۆی راهێنەردا كرد كاتێك له یاریی به‌رامبه‌ر یۆڤێنتۆس له قۆناخی شازده به‌شداری كرد و یارییه‌كه‌یان به تاكه گۆلێك برده‌وه.
ئه‌ستێره فه‌ڕه‌نسیه‌كه به‌هۆی كێشه‌ی گه‌ده‌ی له سه‌رجه‌م یارییه‌كانی قۆناخی كۆمه‌ڵه‌كانی جامی جیهانی یانه‌كان به‌شداری نه‌كرد و ئه‌م نه‌خۆشیه‌ش وایكرد برێك له كێشی دابه‌زێت.
Xabi Alonso partnering with Mbappé during passing drills
🎥 @AlbertoPereiropic.twitter.com/uVQE4RW2sa
— Real Madrid Info ³⁶ (@RMadridInfo) July 2, 2025
ئێمباپێ لە میانی به‌شداریكردنی لە کەمپی مەشقەکانی یانەی ریال مەدرید، وەک ئامادەکارییەک بۆ یارییەکەی بورۆسیا دۆرتمۆند لە قۆناخی چارەکی کۆتایی مۆندیال، ده‌ركه‌وت کە رێنمایی تاکەکەسی لە ئاڵۆنسۆ وەردەگرێت.
Kylian Mbappé on IG: “Getting better everyday.” 🔥 pic.twitter.com/fayjDzXbJR
— Madrid Xtra (@MadridXtra) July 2, 2025
ئاڵۆنسۆ خۆی لەگەڵ ئێمباپێ بەشداری مەشق و ڕاهێنانەکانی کردووە و رێنمایی تاکەکەسی به یاریزانه‌كه ده‌دات، پاشان راهێنەرەکە لەگەڵ هاوڕێی پێشووی لۆکا مۆدریچ ده‌چێته لای مه‌شق و راهێنانی یاریزانه یه‌ده‌گه‌كه‌كان.
تا ئێستا روون نییە کە ئایا ئێمباپێ بەرامبەر دۆرتمۆند له پێكهاته‌ی سه‌ره‌كی ده‌بێت یان وه‌ك یاریی رابردوو یاریزانی یه‌ده‌گ به‌شداری یارییه‌كه ده‌كات، به تایبه‌ت له مۆندیالی یانه‌كان گۆنزالۆ گارسیای هێرشبەر ئاستێكی به‌رزی پێشكه‌ش كردووه و سێ گۆڵی كردووه.
