فەرمی؛ یانەیەکی سعودی گواستنەوەی ئەستێرەیەکی ناوداری فەڕەنسی راگەیاند
یاریگا –
یانەیەکی سعودی بەفەرمی گواستنەوەی یاریزانێکی ناوداری فەڕەنسی و خولەکانی پرێمەرلیگ و لیگ وەنی راگەیاند.
بەگوێرەی راگەیەندراوێکی فەرمی لە پێگەکانی سۆشیاڵ مێدیای خۆیانەوە، یانەی نیۆمی سعودی گواستنەوەی ئالێکساندەر لاکازێتی بۆ ریزەکانی راگەیاند.
یانەکە کە تازە بۆ خولی رەوشەنی سعدی سەرکەوتووە، لە پەیامی بەخێرهاتنەکەیاندا لاکازێتی وەک گۆڵکارێکی مێژوویی ناساندووە.
لاکازێت کە ئێستا تەمەنی 34 ساڵە، لەوەتەی ساڵی 2010 وەک یاریزانی پیشەگەر لە ریزەکانی لیۆنی وڵاتەکەی دەرکەوت و دوو وەرز لەگەڵیاندا مایەوە پێش ئەوەی رووبکاتە ئارسیناڵی ئینگلیزی کە بۆ پێنج وەرز درێسی تۆپچیەکانی پۆشی. کۆتا وێستگەی ئالێکساندەر هەر لەگەڵ یانەی لیۆن بوو کە 17ی مانگی مایۆی ئەمساڵ کۆتا یاریی خۆیدا لەگەڵ ئەو یانەیە توانی بگاتە گۆڵی 201 بە درێسەکەیانەوە.
الـهـداف الـتـاريخي @LacazetteAlex 🤩
مـرحـبًا بـك فـي نيوم 👋#نادي_نيوم_الرياضي
IT’S @LacazetteAlex TIME 🤩👋#NEOMSportsClub pic.twitter.com/h9uRZLYDmr
— نادي نيوم الرياضي (@NEOMSportsClub) July 1, 2025
لاکازێت لە کاروانی وەرزشی خۆییدا لەگەڵ لیۆن و ئارسیناڵ 597 یاریی ئەنجامدا، توانی 297 گۆڵ و 90 ئەسێست بکات.
گواستنەوەی لاکازێت دووەم جووڵەی مێرکاتۆی یانەی نیۆم بوو لە ماوەی تەنها 24 کاتژمێردا. یانە تازە سەرکەوتووەکە پێشتر ئامادو کۆنێی کۆتدیڤواریشی لە یانەی رێمسی فەڕەنسی گواستەوە.
أمادو إضافة جديدة لوسط ملعب نيوم 🛡#نادي_نيوم_الرياضي
Amadou – a new addition to NEOM S.C.’s midfield 🛡#NEOMSportsClub pic.twitter.com/d3opTad2mg
— نادي نيوم الرياضي (@NEOMSportsClub) June 30, 2025
