دوایین پەرەسەندن؛ بایرن میونشن ناوێكی نوێی بۆ لیستی داواكارییەكانی زیادكرد
یاریگا –
یانەی بایرن میونشنی ئەڵمانی لە هەوڵەكانی بۆ پتەوكردنی ریزەكانی یانەكەی بەردەوامە و ناوی لویس دیازی كۆڵۆمبی و هێرشبەری یانەی لیڤەرپوولی ئینگلیزی بۆ نێو لیستی داواكارییەكانی زیادكرد.
لویس دیاز لە گواستنەوەكانی زستانەی 2022 لە ریزەكانی پۆرتۆوە بە بەهای 54 ملیۆن یۆرۆ پەیوەندی بە لیڤەرپوولەوە كرد و گرێبەستەكەی لەگەڵ ئەو یانەیە لە 2027 بەسەردەچێت.
🚨🔴 BREAKING | FC Bayern have added Luis #Díaz to their shortlist!
Bayern are still looking for a top-class left winger, regardless of Nick Woltemade. They have gathered all the information on 28 y/o Díaz, but there have not yet been any talks with Liverpool. Understand Díaz… pic.twitter.com/ky0nHpStil
— Florian Plettenberg (@Plettigoal) June 30, 2025
بە گوێرەی زانیارییەكانی فلۆریان پلێتنبێرگ، یانەی بایرن میونشن ناوی لویس دیازی خستە نێو لیستی ئەو یاریزانانەی هەوڵی گواستنەوەیان دەدات.
بایرن هێشتا بەدوای هێرشبەرێكی باڵی چەپدا دەگەڕێت و هەموو زانیاریەكیان لەسەر لویس دیاز كۆكردووەتەوە بەڵام تاوەكو ئێستا گفتوگۆكانیان لەگەڵ لیڤەرپوول دەستپێنەكردووە.
لیڤەرپوول ئەگەر ئۆفەرێكی گونجاوی بەدەستبگات ئامادەیە دەستبەرداری دیاز ببێت، بایرن لە هەڵسەنگاندنەكانی بەردەوامە و ئێستا چەند یاریزانێک لە لیستەكەیدایە.
دیاز لە وەرزی رابردوو لەگەڵ لیڤەرپوول بەشداری 50 یارییكرد و توانی 17 گۆڵ بكات و 8 گۆڵیش درووست بكات.
