تەواو؛ چێڵسی ئامانجە گەورەکەی دەگوازێتەوە
یاریگا –
وادیارە یانەی چێڵسی بەهەرمی هەوڵە بێوچانەکانی دەچنێتەوە و یاریزانە دڵخوازەکەی دەگوازێتەوە بۆ ستامفۆرد بریج.
چێڵسی بۆ بەهێزترکردنی هێڵی پێشەوە بەتایبەت کە وەرزی داهاتوو لە چامپیۆنزلیگ بەشداریی دەکەن، چاوی بڕیبووە تواناکانی جێمی گیتێنزی ئەستێرە بۆڕوسیا دۆرتموند.
نزیکی ناوەراستی ئەم مانگەبوو هۆکاری شکستهێنانی بلووز ئاشکراکرا لە هەوڵەکانی بۆ گواستنەوەی یاریزانە ئینگلیزیەکە پێش دەستپێکردنی یارییەکانی مۆندیالی یانەکان. ئەوەش لەدوای لێدوانێکی راكشاوانە لە سباستیان کێڵی بەڕێوەبەری وەرزشی دۆرتمۆند کە رایگەیاند جیاوازیی بۆچوونی هەردوو یانە لەسەر نرخی گیتێنزی تەمەن 20 ساڵان.
بەگوێرەی نوێترین زانیاریی کە فابریزۆ رۆمانۆ ئاشکرایکردووە، هەردوو یانە رێککەوتوون لەسەر گواستنەوەکە.
رۆمانۆ بەشێک لە ناوەڕۆکی رێککەوتنەکەی زانیوە و باس لەوەدەکات گیتێنز هەر ئەمشەو پشکنینە پزیشکیەکانی ئەنجام دەدات و تا ساڵی 2032 درێسی چێڵسی دەپۆشێت.
هەر بەپێی ئەوەی رۆمانۆ نووسیویەتی، یانە ئینگلیزیەکە بڕی 55 ملیۆن پاوەند دەدات بە دۆرتموند وەک کۆتا نرخی ئەو یاریزانەی باڵی چەپ.
🚨💙 BREAKING: Jamie Bynoe-Gittens to Chelsea, here we go! Deal agreed club to club with Borussia Dortmund.
Contract until June 2032 for JBW who always wanted Chelsea.
Understand medical will take place TONIGHT for Jamie. 🩺🏴
BVB accepted last bid, as @FabriceHawkins reports. pic.twitter.com/eIH4GWFmzr
— Fabrizio Romano (@FabrizioRomano) June 28, 2025
ناوبراو وەرزی رابردوو لەگەڵ زەردەواڵەکان لە 49 یارییدا توانی 12 گۆڵ و 5 ئەسێست بکات. بەوەش هێزێکی باش دەبێت بۆ تیمەکەی ئێنزۆ مارێسکا لەو پێگەیەی لای چەپی هێرشبەریی.
