یاریگا –
فرانکۆ ماستانتونۆ، بەهرەمەندی ئەرجەنتینی، دوای کۆتایی هاتنی گرێبەستەکەی لەگەڵ ریڤەر پلێت، پەیوەندی بە یانە شاهانەکە دەکات.
بە گوێڕەی زانیارییەکانی رۆژنامەی ئاس، گواستنەوەکە تا 14ی ئاب کە تەمەنی ماستانتونۆ دەبێتە 18 ساڵ فەرمی ناکرێت، ریال مەدرید وەک حاڵەتەکانی پێشووی وەک رۆدریگۆ و ڤینیسیۆس و ئێندریک چاوەڕێ دەکات تا ماستانتونۆ دەگاتە تەمەنی یاسایی بەهۆی رێسا توندەکان و سزاکانی رابردوو بۆ تۆمارکردنی یاریزانە بیانییەکانی ژێر 18 ساڵ. وەک هەڵگری پاسپۆرتی ئیتاڵی، بە یاریزانێکی ئەوروپی دادەنرێت، بەڵام گرێبەستەکەی لەگەڵ تیپەکە تا ئەو وادەیە دوادەخرێت.
📄 El plan con Mastantuono
👦 El argentino no llegará al Real Madrid hasta que cumpla los 18, el 14 de agosto. Trabajará en solitario en Madrid las dos semanas previas a su presentación.
✍️ @AS_ManudeJuan https://t.co/lMUeCeRKIY— Diario AS (@diarioas) June 28, 2025
ماستانتونۆ، دوای ئاستێکی سەرنجڕاکێش لە مۆندیالی یانەکاندا بەرامبەر مۆنتێری، وەکوو باشترین یاریزانی یارییەکە دەست نیشانکرا، بەلام بەهۆی دۆڕانی بەرامبەر ئینتەرمیلان و یەکسانبوون بەرامبەر بەرامبەر مۆنتێری، دواجار یانەکەی نەیتوانی بۆ قۆناخی 16 سەربکەوێت.
دوای ماڵئاوایی کردنی لە مۆندیالی یانەکان، ئێستا ماستانتونۆ بەوپەڕی خۆشحاڵییەوە چاوەڕێی دەستپێکردنی وەرزی نوێ لەگەڵ ریال مەدرید دەکات کە بڕیارە لە 14ی ئابدا لە ڤاڵدیبیباس بە میدیاکا بناسێندرێت و لەوێش لەژێر چاودێری چابی ئاڵۆنسۆ درێژە بە کاروانی وەرزشی بدات.
بۆ ئامادەکاری، ماستانتونۆ لە کۆتایی مانگی تەمموزدا دەچێتە مەدرید و دوای دوو بۆ سێ هەفتە پشوو، لە ماڵە نوێیەکەیدا نیشتەجێ دەبێت. لە دوو هەفتەی پێش وادەی فەرمی پەیوەندیکردنی، بە تەنیا و بە سەرپەرشتی ناڕاستەوخۆی ستافی راهێنەرایەتی ریال مەدرید مەشق و راهێنان دەکات. هەرچەندە ناتوانێت لە ڤاڵدێبیباس مەشق و راهێنان بکات، بەڵام سەرنجی لەسەر پاراستنی توانای جەستەیی دەبێت بۆ ئەوەی خۆی لەگەڵ تۆپی پێی ئەوروپا خێراتر بگونجێنێت.
