ئارسیناڵ لەپاڵ رۆدریگۆ ناوێکی دیکە بۆ لیستی گواستنەوەکانی زیادکرد
یاریگا –
وادیارە یانەی ئارسیناڵ دەیەوێ بە گواستنەوەی گەورەوە بچێتە نێو کێبڕکێکانی وەرزی نوێوە، بۆیە ناوێکی بەرچاوی بۆ لیستەکەی زیادکرد کە نیازی لە گواستنەوەیەتی.
ئامانجە دیارەکانی ئارسیناڵ تا ئێستا خۆی لە گواستنەوەی هێرشبەرێکی ئاستبەرزدا دەبینێتەوە. لەوەشدا لەنێوان ڤیکتۆر یۆکێرێش و بینیامین شێشکۆدا دەنگۆی گواستنەوەی ئەوەی دواتریان بەهێزترە. ئێستاش ئەستێرەیەکی بۆ باڵی چەپ کردووەتە نیشان لەپاڵ نیازە لەمێژیینەکانی بۆ گواستنەوەی رۆدریگۆی ریال مەدرید.
بەگوێرەی نوێترین زانیاریی کە بێن جاکۆبسی رۆژنامەنووسی بەریتانی بڵاویکردووەتەوە، گەنەرز ناوی ئێبرێچی ئیزێی بۆ لیستی کڕینەکانی زیادکردووە.
ئەو رۆژنامەنووسە زانیویەتی کە تۆپچیەکانی لەندەن مکوڕن لەسەر گواستنەوەی ئەستێرەکەی کریستاڵ پاڵاس.
مەرجی هەڵوەشاندنەوەی گرێبەستەکەی ئیزێ 68 ملیۆن پاوەندە. جاکۆبس ئەوەی نووسیوە کە ئارسیناڵ دەیەوێ بەشێوەی قیست پارەکەی بدات.
لەگەڵ ئەم خواستە نوێیەدا، یانەکەی باکوور هێشتا چاودێری دۆخی رۆدریگۆ دەکات بەڵام ئەو یاریزانە هێشتا دەبێت داهاتووی خۆی لەگەڵ چابی ئاڵنسۆ روونبکاتەوە.
Arsenal add Eberechi Eze to their list of left-wing options. £68m clause can be paid in instalments. Spurs also keen.🦅#AFC also alert to Rodrygo’s situation, but player has to first clarify his future with Xabi Alonso.🇧🇷https://t.co/sN1wOPzv2L
— Ben Jacobs (@JacobsBen) June 26, 2025
سەرباری خراپی ئاستی یانەکەی لە وەرزی رابردوودا، ئیزێ لە 43 یارییدا 14 گۆڵ و 11 ئەسێست بکات. هۆکارێکی سەرەکی بوو لە پشت بردنەوەی جامی یەکێتی ئینگلتەرا بۆ یانەکەی کە یەکەمین نازاناوبوو لەماوەی 164 ساڵی رابردوودا. هەر بەهۆی ئەو نازناوەشەوە توانیان بلیتێکی یۆرۆپالیگی وەرزی داهاتوو مسۆگەر بکەن.
