یاریگا –
یانەی نەسڕی سعوودی لە نوێكردنەوەی گرێبەستی كریستیانۆ رۆناڵدۆ ئەستێرەی پۆرتوگالی یانەكەی نزیكە.
كریستیانۆ رۆناڵدۆ لە زستانی 2022 دوای هەڵوەشاندنەوەی گرێبەستەكەی لەگەڵ مانچێستەر یونایتد و وەک یاریزانێكی ئازاد پەیوەندی بە نەسڕەوە كرد.
پێشتر رۆناڵدۆ خواستی خۆی بۆ نوێكردنەوەی گرێبەستەكەی لەگەڵ نەسڕ دووپاتكردەوە و ئامانجی ئەوەیە لە نەسڕ بەردەوام بێت و درێژە بە یاریكردن بدات تاوەكو بە تەواوی بۆ مۆندیالی 2026 ئامادە بێت.
🚨🇵🇹 BREAKING: Cristiano Ronaldo set to sign new deal at Al Nassr as formal documents are being checked.
Final detail being discussed: one or two year deal, concrete possibility to make it happen until June 2027 if Cristiano wants.
Massive move for SPL to keep Cristiano. pic.twitter.com/Aw1dyKPUNO
— Fabrizio Romano (@FabrizioRomano) June 25, 2025
بە گوێرەی زانیارییەكانی فابریزیۆ رۆمانۆ، كریستیانۆ رۆناڵدۆ گرێبەستەكەی لەگەڵ نەسڕ نوێدەكاتەوە و پێداچوونەوەی كۆتایی بە بەڵگەنامە فەڕمییەكاندا دەكرێت.
وردەكارییەكانی كۆتایی هێشتا یەكلایینەكراوەتەوە، گرێبەستێكی یەک ساڵی یان دوو ساڵی دەبێت.
دۆن لەگەڵ نەسڕ بەشداری لە 105 یاریی كردووە و توانیویەتی 93 گۆڵ بكات و 19 گۆڵیش درووست بكات.
