تەواو؛ رۆیشتنی یاریزانێکی بارسێلۆنا راگەیەندرا
یاریگا –
سەرچاوەیەکی باوەڕپێکراو رۆیشنی یاریزانێکی بارسێلۆنای راگەیاند و وردەکاری گرنگیشی خستەڕوو.
رۆژنامەنووس فابریزۆ رۆمانۆ بڵاویکردووەتەوە کە ئانسو فاتی رێککەوتنی لەگەڵ یانەی مۆناکۆ کردووە و بەخواسن روودەکاتە ئەو یانە فەڕەنسیە بەڵام مەرجی کڕینەوەشی تێدا جێگیرکراوە.
رۆمانۆ نووسیویەتی سبەی فاتی گەشتی فەڕەنسا دەکات تا ئەم هەفتەیە ئەنجامدانی پشکنینی پزیشکی وەک یاریزانی نوێی مۆناکۆ بۆ بکرێت.
ئەوەی جێی تێبینیە و رۆمانۆش ئاشکرای کردووە، بارسێلۆنا بەیەکجاریی دەستبەرداری هێرشبەرەکەی نەبووە، بەڵکوو بەمزووانە گرێبەستەکەی نوێ دەکاتەوە، بەڵام لەئێستادا بڕیاری پەسەندچارەنووسی یاریزانە 22 ساڵیەکەیان ناردنەدەرەوەیەتی بەشێوەی خواستن
🚨🇲🇨 Ansu Fati to AS Monaco, here we go! Deal in place for Barcelona winger to join the club on loan with buy option.
Plan for medical this week confirmed: Ansu will travel tomorrow and undergo medical later this week.
💙❤️ Ansu signs new deal at Barça and then leave on loan. pic.twitter.com/IC8GKa2IhO
— Fabrizio Romano (@FabrizioRomano) June 24, 2025
بە هاتنی هانزی فلیک وەک راهێنەری بارسێلۆنا لە هاوینی رابردوو بۆ شوێنەکەی چاڤی هێرناندێز، شوێنێکی سەرەکی بۆ یاریزانە ئیسپانییەکە نەمایەوە. وەرزی رابردوو تەنها بەشداری لە 11 یارییدا کرد. ئەویش بە تێکڕای تەنها 27 خولەک بۆ هەر یارییەک.
