یاریگا –
لیۆنێل مێسی ئەرجەنتینی، ئەستێرەی یانەی ئینتەر مه‌یامی، ناکۆکی له‌نێوان هاندەرانی یانەکانی هیلال و ئەهلی سعودی دروستکرد، به‌تایبه‌ت باس له گواستنه‌وه‌ی یاریزانه‌كه به خولی سعودی ده‌كرێت.
هەرچەندە مێسی لە سەرکردایەتیکردنی ئینتەر مه‌یامی لە مۆندیالی یانەکانی بەردەوامە ، بەڵام داهاتووی لەگەڵ یانەکەدا گومانی لەسەرە، بەتایبەت دوای لێدوانەکانی ئەم دواییەی کە رەتیکردەوە گەیشتبێتە هیچ رێککەوتنێک بۆ نوێکردنەوەی گرێبەستەکەی، ئه‌مه‌ش ده‌نگۆی زۆری به‌دوای خۆیداهێنا.
لە پێشهاتێکی نوێدا، خالد زەهرانی کەسایەتی میدیایی لە هەژماری تایبەتی خۆی لە ئێکس ئاشکرای کرد کە خۆرخی میسی باوکی ئەو یاریزانە بە پشتبەستن بە سەرچاوە نزیکەکانی تیمی دانوستانکار رەزامەندی خۆی بۆ گواستنەوەی خولی سعودی دەربڕیوە.
🚨🚨🚨🚨🚨🚨🚨🚨🚨🚨🚨🚨🚨🚨🚨
جمهور الهلال تطلق هاشتاق تبدي فيه مطالبتها بالتعاقد مع ليونيل ميسي كون الهلال أول من فاوض ميسي
🔵🔵🔵🔵🔵🔵🔵#ميسي_للهلال_يالصندوق2 pic.twitter.com/KetXZyLAPJ
— نواف الاسيوي 🇸🇦 (@football_li5) June 23, 2025
زەهرانی ئه‌وه‌شی باسكردووه، کە مێسی ده‌یه‌وێت له خولی سعودی یاریی بكات، بەڵام مەرجی ئەوەی داناوه جگە لە لایەنە وەرزشییەکان ئەو ئۆفەرە لەگەڵ خێزانەکەی و خواستەكانی بگونجێت و هه‌ردوو یانە سعودیەکەش ئامادەیی تەواوی خۆیان بۆ جێبەجێکردنی سەرجەم مەرجەکانی یاریزانەکە ده‌ربریوه.
له‌گه‌ڵ بڵاوبوونه‌وه‌ی ئه‌م هه‌واڵانه‌ی باس له گواستنه‌وه‌ی مێسی ده‌كه‌ن بۆ خولی سعودی لەسەر پلاتفۆرمی “X” ململانێیه‌كی بەرفراوان لە نێوان هاندەرانی هیلال و ئەهلی سەریهەڵداوه، لەکاتێکدا لایەنگرانی هیلال هاشتاگێکیان بەناونیشانی #ميسي_للهلال_يالصندوق2 واته مێسی بۆ هیلال ده‌ستپێكردووه.
🚨🚨🚨🚨🚨🚨🚨🚨🚨🚨🚨🚨🚨🚨🚨
عااااااااااااااااااااااااااجل — جماهير الاهلي تطلق هاشتاق#ميسي_للاهلي_فقط_احسموها
🟢🟢🟢🟢🟢🟢🟢🟢🟢🟢🟢🟢🟢🟢🟢 pic.twitter.com/SyQ77Af1NP
— نواف الاسيوي 🇸🇦 (@football_li5) June 23, 2025
هاندەرانی هیلال لەڕێگەی ئەم هاشتاگەوە ئه‌و په‌یامه‌یان به یانه‌كانی دیكه‌داوه كه یانەکەیان یەکەم یانه بووە لەگەڵ ئەستێرە ئەرجەنتینییەکە دانوستانیان کردووە و به جدی هەوڵەکانیان بۆ گواستنەوەی یاریزانه‌كه ده‌ستپێكردووه.
لەبەرامبەردا هاندەرانی ئەهلیش هاشتاگی #ميسي_للأهلي_فقط_ احسموها واته مێسی ته‌نها بۆ هیلال مامه‌ڵه‌ی له‌گه‌ڵ بكه‌ن، سۆشیاڵ میدیای ته‌نیوه، هه‌ردوو یانه به دروشمی جیاواز داوای مێسی ده‌كه‌ن.
تا ئێستا هیچ لێدوانێکی فەرمی لەلایەن مێسی و ئینتەر مه‌یامی سەبارەت بە داهاتووی ئەو یاریزانە بڵاونەکراوەتەوە، به‌ڵام هانده‌رانی ئه‌و دوو یانه‌یه له پلاتفۆرمه‌كانی سۆشیاڵ میدیا ركابه‌رییه‌كی توند ده‌كه‌ن و ده‌یانه‌وێت یانه‌كانیان گرێبه‌ست له‌گه‌ڵ ئه‌ستێره ئه‌رجه‌نتینه‌كه بكات.
