وادەی راگەیاندنی گرێبەستێكی دیكەی لیڤەرپوول ئاشكرابوو
یاریگا –
لیڤەرپوول بەگەرمی چووەتە نێو مێركاتۆی هاوینەوە و خەریكە گرێبەستی میلۆس كێركێز بەرگریكاری هەنگاری یانەی بۆرنمسی ئینگلیزی رادەگەینێت.
كێركێز لە هاوینی 2023 لە ریزەكانی ئالكمارەوە بە بەهای 17 ملیۆن یۆرۆ پەیوەندی بە بۆرنمسەوە كرد و گرێبەستەكەی لەگەڵ یانەكەی لە 2028 بەسەردەچێت.
🚨🔴 EXCL | Milos #Kerkez to Liverpool is considered to be a done deal!
A full agreement has now been reached with Bournemouth, as the final details have been clarified. Long-term contract.
The medical is already being prepared and is expected to take place next week, if… pic.twitter.com/YkeygOzILZ
— Florian Plettenberg (@Plettigoal) June 20, 2025
بە گوێرەی زانیارییەكانی فلۆریان پلێتنبێرگ، هەموو شتێک كۆتایی هاتووە و میلۆس كیركێز پەیوەندی بە لیڤەرپوولەوە دەكات.
رێككەوتنی تەواو لەسەر سەرجەم وردەكارییەكان لەگەڵ بۆرنمس كراوە و كێركێز بە گرێبەستێكی درێژخایەن پەیوەندی بە رێدزەوە دەكات.
ئامادەكاری بۆ پشكنینە پزیشكیەكان دەكرێت و ئەگەر هەموو شتێک بەپێی پلانەكە بڕوات ئەوا هەفتەی داهاتوو پشكنینە پزیشكیەكان دەكرێت.
لیڤەرپوول لەم مێركاتۆیەدا تاوەكو ئێستا بەفەرمی گواستنەوەی جێریمی فریمپۆنگی راگەیاندووە و چاوەڕوان دەكرێت بەمزوانە گرێبەستی فلۆریان ڤیرتزیش رابگەیەنێت.
میلۆس كێركێز وەرزی رابردوو لەگەڵ بۆرنمس بەشداری لە 41یارییكرد و توانی دوو گۆڵ بكات و شەش گۆلیش درووستبكات.
