فەرمی؛ بارسێلۆنا گرێبەستە چاوەڕوانکراوەکەی راگەیاند
یاریگا –
یانەی بارسێلۆنای ئیسپانی بەفەرمی یەکەمین گرێبەستی لەم هاوینە راگەیاند و گواستنەوەی خوان گارسیا گۆڵپارێزی ئیسپانیۆلی بۆ ریزەکانی راگەیاند.
یانەی بارسێلۆنا دواجار گرێبەستە چاوەڕوانکراوەکەی راگەیاند و لە بەیاننامەیەکیدا بڵاویکردووەتەوە، خوان گارسیای 24 ساڵان دەبێتە یەکەمین گرێبەستی ئەم هاوینەی بلاوگرانا و بۆ ماوەی شەش ساڵ تاوەکو 2031 گرێبەستی لەگەڵ یانە کەتەلۆنییەکە واژۆ کرد، کە رکابەری لەمێژینەی یانەکەی پێشوویەتی.
FC Barcelona sign Joan Garcia
— FC Barcelona (@FCBarcelona) June 18, 2025
بارسێلۆنا لەبەرامبەر بەدەستهێنانی گۆڵپارێزە 24 ساڵانییەکە بڕی 25 ملیۆن یۆرۆی وەک مەرجی هەڵوەشاندنەوەی گرێبەستەکەی خستووەتە سەر هەژماری ئیسپانیۆل و تەواوی بڕە پارەی گرێبەستەکەی داوە.
گرێبەستەکەی گارسیا لەگەڵ بارسێلۆنا بۆ ماوەی شەش وەرز و تاوەکو هاوینی 2031 دەبێت، دوای بڵاوکردنەوەی پەیامی ماڵاواییش ناوی ئیسپانیۆلی لە بایۆی ئینستاگرامەکەی لابرد.
The time has come. 🧤 pic.twitter.com/XMrKVEWXca
— FC Barcelona (@FCBarcelona) June 18, 2025
گارسیا لە ئیسپانیۆل پێگەیشتووە و لە تیپی لاوانەوە گەیشتووەتە ئاستی تیپی یەکەم، گارسیا بە درێسی ئیسپانیۆل لە 67 یاری 72 گۆڵی لێکرا و 21 کلین شیتی تۆمارکرد، کە یەکێکە لە باشترین گۆڵپارێزەکانی ئێستای ئیسپانیا، لە وەرزی رابردووی لالیگا خاوەنی زۆرترین گەڕاندنەوە بووە، 146 جار بەرپەرچی هێرشەکانی دایەوە و یەکێک بوو لە هۆکارە کاریگەرەکان بۆ مانەوەی ئیسپانیۆل لە ریزی یانە پلە یەکەکان،
گارسیا وەرزی رابردوو 38 یاریی بە درێسی ئیسپانیۆلەوە كرد و توانی هەشت یاریی تۆڕی گۆڵەكەی بە خاوێنی بهێڵێتەوە و ئێستا لە بۆرسەی یاریزانان بەهای ئەو گۆڵپارێزە 25 ملیۆن یۆرۆیە.
