مێركاتۆی ریال مەدرید؛ فلۆرینتینۆ پێرێز یاریزانی دیكەی دەوێت
یاریگا –
شۆڕشی یانەی ریال مەدریدی ئیسپانی لە مێركاتۆی هاوینەدا بەردەوامە و ئەمجارە هێرشبەرێكی سەرەڕمی دەوێت.
ریال مەدرید بە گەرمی چووەتە نێو مێركاتۆی هاوینە و تا ئێستا چوار گرێبەستی یەكلاییكردووەتەوە.
⚡️Real Madrid are combing the market for a Joselu-style striker
➕World Cup 2026 will be a key factor in Endrick’s future
➕Rodrygo’s attitude is being positive, with Xabi Alonso showing him affection and demanding a lot from the Brazilian@TheAthleticFChttps://t.co/VeWLiI2YGK pic.twitter.com/uBEDwmyD4K— Mario Cortegana (@MarioCortegana) June 17, 2025
بە گوێرەی زانیارییەكانی ماریۆ كۆرتیگانا لە تۆڕی هەواڵی ئاتلێتیک، ریال مەدرید لە بازاڕی گواستنەوەدا بە دوای هێرشبەرێكی هاوشێوەی خۆسێلودا دەگەڕێت.
خۆسێلو لە هاوینی 2023 بە خواستن لە ئیسپانیۆلەوە پەیوەندی بە ریال مەدریدەوە كرد و هۆكارێكی گەورە بوو بۆ بردنەوەی چامپیۆنزلیگ و لە زۆربەی یارییەكاندا كارلۆ ئانچێلۆتی وەک چەكێک بەكاریدەهێنا و یارییەكەی یەكلاییدەكردەوە.
ریال مەدرید لەم وەرزەدا تاوەكو ئێستا بەفەرمی چابی ئاڵۆنسۆ راهێنەری پێشووی بایەر لیڤەركوزن، دین هاوسن ئەستێرەی پێشووی بۆرنمس، ترێنت ئالێكساندەر ئارنۆڵد ئەستێرەی لیڤەرپوول و فرانكۆ ماستانتونۆ ئەستئرەی لاوی رێڤەرپلەیتی گواستووەتەوە ریزەكانی یانەكەی.
شاندی یانە شاهانەكە ئێستا لە ئەمریكایە و سبەی لە یەكەم یاریی خۆیدا لە جامی جیهانی یانەكان رووبەڕووی هیلالی سعوودی دەبێتەوە.
