دەنگۆكانی مێركاتۆ؛ شەش یانە هەوڵی بەدەستهێنانی ئەستێرەیەكی نەسڕ دەدەن و ئێمبوێمۆ یانەی داهاتووی هەڵبژارد

یاریگا –

كایڵ وۆڵكەر ئامادەیە پەیوەندی بە یانەیەكی پرێمەرلیگەوە بكات، براین ئێمبوێمۆ یانەی داهاتووی هەڵبژاردووە و نیوكاسڵیش هەوڵی گواستنەوەی ئامانجەكەی دەدات.

كایڵ وۆڵكەر بەرگریكاری ئینگلیزی یانەی مانچێستەر سیتی بە گرێبەستێكی یەک وەرزی پەیوەندی بە ئێڤەرتنەوە دەكات – سەن.

براین ئێمبوێمۆ هێرشبەری كامێرۆنی یانەی برێنتفۆرد، مانچێستەر یونایتد بەسەر تۆتنهامدا هەڵدەبژێرێت – سكای سپۆرتس.

نیوكاسڵ گفتوگۆكانی لەگەڵ برایتن بۆ گواستنەوەی جواو پێدرۆ دەستپێكردووەتەوە – تێلیگراف.

یوڤێنتوس چووەتە نێو كێبڕكێی گواستنەوەی ڤیكتۆر یۆكێرێش هێرشبەری سویدی یانەی سپۆرتینگ و ئۆفەرێكی بە مووچەی ساڵانەی 11 ملیۆن پاوەند پێشكەشكردووە، دەیەوێت گرەوەكە لە ئارسیناڵ و مانچێستەر یونایتد بباتەوە و واژۆی یاریزانەكە بەدەستبهێنێت – میرەر.

تۆتنهام گفتوگۆكانی لەگەڵ رێنی فەڕەنسی بۆ گواستنەوەی ئارناودۆ موینگا هێرشبەری فەڕەنسی دەستپێكردووە – لیكیپ.

مانچێستەر یونایتد گفتۆگۆی سەرەتای لەگەڵ ئێنتراخت فرانکفورت بۆ گواستنەوەی هوگۆ ئێكیتیكێ دەستپێكردووە بەڵام تاوەكو ئێستا هیچ ئۆفەرێكی فەرمی بۆ گواستنەوەی پێشكەش نەكردووە – سكای سپۆرتس.

ناپۆلی لە نێوان ئالیخاندرۆ گارناچۆ و جاک گرێلیش یەكێكیان دەگوازێتەوە، بەڵام ئامادەیە تەنیا 45 ملیۆن پاوەند خەرج بكات – سەن.

ئاتلێتیكۆ مەدرید ئەگەر نەتوانێت ئاندرو رۆبێرتسن بگوازێتەوە ئەوا گرێبەست لەگەڵ لوكاس دین واژۆ دەكات – تایمز.

چێڵسی و نۆتینگهام گفتوگۆكانیان بۆ گواستنەوەی مالیک فۆفانا هێرشبەری بەلجیكی یانەی لیۆنی فەڕەنسی دەستپێكردووە – لیكیپ.

تێر شتیگن گۆڵپارێزی ئەڵمانی یانەی بارسێلۆنا ئۆفەرێكی یانەی گاڵاتاسەرای توركی رەتكردەوە – سپۆرت.

ئاتلێتیک بیلباو، مارسیلیا، ئارسیناڵ، ئاستۆن ڤیلا، ئینتەر میلان و ناپۆلی سەرجەمیان گرنگی بە گواستنەوەی ئێمیریک لاپۆرت بەرگریكاری ئیسپانی یانەی نەسڕی سعوودی دەدەن – ئاس.

ریال بێتیس دەیەوێت لەگەڵ مانچێستەر یونایتد بۆ گواستنەوەی ئانتۆنی بگاتە رێككەوتن – ABC.