بۆمبی مێرکاتۆ؛ هەینی یەکێک لە گرانبەهاترین یاریزانەکانی مێژوو دەگاتە ئینگلتەرا
ئەم هەفتەیە فلۆریان ڤیرتز گرێبەستەکەی واژۆ دەکات
یاریگا –
ئەم هەفتەیە فلۆریان ڤیرتز دەگاتە بەریتانیا و پشکنینی پزیشکی بۆ دەکرێت بۆ ئەوەی گرێبەستەکەی لەگەڵ لیڤەرپوول واژۆ بکات.
دەیڤد ئۆرنشتاین رۆژنامەنووسی بەریتانی لە تۆڕی وەرزشی ئاتلێتیک ئاشکرایکردووە، لەم هەفتەیە فلۆریان ڤیرتز دەگاتە بەریتانیا بۆ ئەوەی رۆژی رۆژی هەینی پشکنینی پزیشکی بۆ بکرێت و گرێبەستەکەی بۆ ماوەی پێنج ساڵ بە بڕی 100 ملیۆن پاوەند لەگەڵ رێدز واژۆ بکات.
🚨 Florian Wirtz expected to arrive in UK later this week – current plan for medical Friday before completing transfer from Bayer Leverkusen to Liverpool. Fee £100m guaranteed + up to £16m add-ons to #Bayer04. Proposed 5yr contract with #LFC @TheAthleticFC https://t.co/Fkf6TibjHK
— David Ornstein (@David_Ornstein) June 16, 2025
ڤیرتز لە ساڵی 2020 لە کۆڵنەوە پەیوەندی بە لیڤەرکوزن کرد، رۆڵێکی سەرەکی لە بردنەوەی نازناوی بۆندسلیگای وەرزی 2023-24 گێڕا و خەڵاتی باشترین یاریزانی خوولەکەی بەدەستهێنا.
یاریزانە ئەڵمانییەكە بۆ ماوەی پێنج ساڵ تاوەكو 2030 بە بەهای 100 ملیۆن پاوەند و 16 ملیۆن گۆڕانكاری پەیوەندی بە یانە ئینگلیزیەكەوە دەكات، فلۆریان ڤیرتز دەبێتە گرانبەهاترین فرۆشتن لە مێژووی بۆندسلیگا هەروەها گرانترین گرێبەستی مێژووی لیڤەرپوول و پرێمەرلیگیش دەبێت.
وەرزی رابردوو ڤیرتز لەگەڵ بایەر لیڤەركوزن 45 یاریی كرد و توانی 16 گۆڵ بكات و 15 گۆڵیش درووست بكات.
