تۆتێنهام یەکەمین گرێبەستی گەورەی لەم هاوینە راگەیاند

یاریگا –

تۆتێنهام هۆتسپێرس بەفەرمی گرێبەستی ماتیس تێل هێرشبەری فەڕەنسی راگەیاند، کە سەرەتای ئەمساڵ بە خواستن لە بایرن میونشنەوە پەیوەندی بە یانە ئینگلیزییەکەوە کردبوو.

یانەی تۆتێنهام هۆتسپێرس ـی ئینگلیزی رایگەیاندووە، ماتیس تێل تاوەکو 2031 گرێبەستی لەگەڵ یانەکەیان واژۆکردووە و لە یانەکەیان بەردەوام دەبێت، کە فێبرایەری ئەمساڵ بە خواستن لە بایرن میونشنی ئەڵمانییەوە روویکردە ریزەکانی تۆتێنهام و لە سەرجەم پاڵەوانێتییەکان 20 یاریی بە درێسی هۆتسپێرس کرد و 3 گۆڵی کرد.

We are delighted to announce the permanent signing of Mathys Tel from Bayern Munich on a contract that will run until 2031 ✍️

— Tottenham Hotspur (@SpursOfficial) June 15, 2025

ماتیس تێل کە ئەم هاوینە لەگەڵ هەڵبژاردەی فەڕەنسا بەشداریی یۆرۆی ژێر 21 ساڵان دەکات، هاوینی 2022 بەرامبەر 20 ملیۆن یۆرۆ لە رێنی فەڕەنسییەوە پەیوەندی بە بایرن میونشن کرد و ئێستا لە بۆرسەی یاریزانان بەهای ئەو هێرشبەرە فەڕەنسییە 35 ملیۆن یۆرۆیە.

هێرشبەرە 20 ساڵانەکە لەگەڵ بایرن میونشن لە 83 یاری 16 گۆڵ و 7 ئەسیستی کرد، کە وەکو سەرەڕم و باڵەکان یاریی دەکات.