لیڤەرپوول ئامانجی داهاتووی دەستنیشانكرد
یاریگا –
یانەی لیڤەرپوولی ئینگلیزی هەوڵی گواستنەوەی ڤیكتۆر ئۆسیمین هێرشبەری نایجێری یانەی ناپۆلی ئیتاڵی دەدات.
ئۆسیمین لە هاوینی 2020 لە ریزەكانی لیلی فەڕەنسیەوە بە بەهای 78 ملیۆن یۆرۆ پەیوەندی بە ناپۆلیەوە كرد و گرێبەستەكەی لەگەڵ ئەو یانەیە لە هاوینی ئەمساڵدا بەسەردەچێت.
هێرشبەرە 26 ساڵانەكە وەرزی رابردوو بە خواستن لە ریزەكانی گاڵاتاسەرای توركی یارییكرد و توانی بە 26 گۆڵ ببێتە گۆڵكاری سوپەرلیگی توركیا.
🚨 Liverpool are considering a move for Napoli striker Victor Osimhen, who scored 37 goals in 41 games for Galatasaray last season.
(Source: @GiveMeSport) pic.twitter.com/qjKQhI9ckJ
— Transfer News Live (@DeadlineDayLive) June 13, 2025
بە گوێرەی زانیارییەكانی گیڤ می سپۆرت، لیڤەرپوول بیر لە گواستنەوەی ڤیكتۆر ئۆسیمین دەكاتەوە.
لیڤەرپوول گواستنەوەی فلۆریان ڤیرتزی بە 150 ملیۆن یۆرۆ یەكلاییكردەوە و لە چەند رۆژی داهاتوودا یاریزانەكە پشكنینە پزیشكیەكان لەگەڵ رێدز دەكات.
هێرشبەرە نایجێریەكە لە وادەی یەكەمی گواستنەوەی یاریزانان پێش مۆندیالی یانەكان ئۆفەرێكی زەبەلاحی یانەی هیلالی سعوودی رەتكردەوە.
وەرزی رابردوو ئۆسیمین لەگەڵ گالاتاسەرای بەشداری 41 یارییكرد و توانی 37 گۆڵ بكات و هەشت گۆڵیش درووست بكات.
