یاریگا –
سەرەتای ئەم مانگە بوو مانجێستەر یونایتد لە یەکەم جووڵەی گواستنەوەکاندا توانی ماتیوس کونیا لە وۆڵڤز بگوازێتەوە بە ئامانجی بەهێزترکردنی هێڵی پێشەوە.
فابریزۆ رۆمانۆ بە پشتبەستن بە بڵاوکراوەکانی مان یونایتد وردەکاریی لەبارەی ناوەڕۆکی گواستنەوەی ئەستێترە بەڕازیلیەکە بۆ ئۆڵدترافۆرد خستووەتەڕوو.
بەگوێرەی ئەوەی ئەو رۆژنامەنووسە دەستیکەوتووە، ماوەی گواستنەوەی کونیا بۆ ماوەی 5 ساڵ دەبێت لەگەڵ بژاردەی ساڵێکی دیکە.
سەبارەت بە تێچووی یاریزانە 26 ساڵییەکە، رۆمانۆ نووسیویەتی کە بڕەکەی 62.5 ملیۆن پاوەندە.
🚨 Manchester United confirm Matheus Cunha signing 5 year deal plus options until June 2031.
£62.5m deal completed from Wolves. pic.twitter.com/fMrncPc9Vd
— Fabrizio Romano (@FabrizioRomano) June 12, 2025
کونیا وەرزی رابردوو ئاستی بەشێوەیەکی نایاب تەقیەوە کاتێک توانی لە 36 بەشدارییدا بۆ گورگەکانی ئینگلتەرا 17 گۆڵ و 6 ئەسێست بکات.
