مانچێستەر یونایتد بۆ گواستنەوەی ئامانجەکەی لیڤەرپوول و چێڵسی هاتە سەر هێڵ
سێ یانەی گەورەی پرێنەرلیگ لەسەر هێرشبەرێکی فەڕەنسی ململانێ دەکەن
یاریگا –
مانچێستەر یونایتد بۆ گواستنەوەی ئامانجەکەی لیڤەرپوول و چێڵسی هاتە سەر هێڵ، شەیتانە سوورەکان دەیانەوێت هوگۆ ئێکیتیکێ هێرشبەری لاوی فەڕەنسی بگوازنەوە ریزەکانیان.
فلۆریان پلێتینبێرگ رۆژنامەنووسی ئەڵمانی لە کەناڵی سکای سپۆرتسی ئەڵمانی ئاشکرایکردووە، مانچێستەر یونایتد بەفەرمی بۆ گواستنەوەی هوگۆ ئێکیتیکێ هێرشبەری لاوی ئێنتراخت فڕانکفۆرت هاتووەتە سەر هێڵ، کە یانەکانی لیڤەرپوول و چێڵسیش بۆ گواستنەوەی ئەو هێرشبەرە فەڕەنسییە لەسەر هێڵن.
🚨🔴 EXCL | Manchester United have now officially entered the race for Hugo #Ekitike!#MUFC made contact with Eintracht Frankfurt within the last 48 hours, expressed concrete interest, and gathered all relevant information.
Liverpool and Chelsea remain in the race – and now Man… pic.twitter.com/41PrOq0678
— Florian Plettenberg (@Plettigoal) June 12, 2025
مانچێستەر یونایتد لە ماوەی 48 کاتژمێری رابردوو یەکەم ئۆفەری بۆ گواستنەوەی ئێکیتیکێ پێشکەشی ئێنتراخت فڕانکفۆرت کردووە، کە ئەو هێرشبەرە 22 ساڵانە لە بۆرسەی یاریزانان نرخەکەی 75 ملیۆن یۆرۆیە و ئێنتراخت فڕانکفۆرت رایگەیاندووە ئامادە نییە بە کەمتر لە 100 ملیۆن یۆرۆ دەستبەرداری بێت.
هوگۆ ئێکیتیکێ هاوینی رابردوو بەبڕی 16.50 ملیۆن یۆرۆ لە پاریس سانجێرمانەوە پەیوەندی بە فڕانکفورت کرد و تاوەکو هاوینی 2029 گرێبەستی لەگەڵ یانە ئەڵمانییەکە هەیە.
هوگۆ لەم وەرزە لە سەرجەم پاڵەوانێتییەکان 48 یاریی بۆ فرانکفورت کردووە و بەشداریی 34 گۆڵی کردووە، 22 گۆڵی کردووە و 12 گۆڵیشی دروستکردووە.
