یاریگا –
مایکڵ پرۆبێرز دەستی لە پۆستی راهێنەرایەتی هەڵبژاردەی پۆڵەندا کێشایەوە.
فیدراسیۆنی تۆپی پێی پۆڵەندا بەیاننامەیەکی فەرمی بڵاوکردووەتەوە، ئاشکرایکردووە مایکڵ پرۆبێرز چیدیکە راهێنەری هەڵبژاردەی پۆڵەندا نییە و بڕیاریداوە دەستلەکاربکێشێتەوە.
گەیشتوومە ئەو بڕوایەی باشترین بڕیار بۆ چارەسەرکردنی ئەم دۆخە دەستلەکارکێشانەوەی منە بۆیە بڕیاریمداوە واز لە پۆستەکەم بهێنم، سەرپەرشتیکردنی هەڵبژاردەی پۆڵەندا گەورەترین شەرەفی ژیانم بوو، سوپاسی سەرجەم تیمەکە و هاوکارەکانم دەکەم و هیوای بەختێکی باش بۆ هەڵبژاردەکە لە داهاتوودا دەخوازم.
Oświadczenie selekcjonera Michała Probierza
– Doszedłem do wniosku, że w obecnej sytuacji najlepszą decyzją dla dobra drużyny narodowej będzie moja rezygnacja ze stanowiska selekcjonera. Pełnienie tej funkcji było spełnieniem moich zawodowych marzeń i największym życiowym… pic.twitter.com/LPG98Zryhe
— Łączy nas piłka (@LaczyNasPilka) June 12, 2025
سێشەممەی رابردوو هەڵبژاردەی پۆڵەندا لە یارییەکانی گەڕی چوارەمی پاڵاوتنەکانی جامی جیهانی رووبەڕووی فینلاند بووەوە و 2-1 یارییەکەی دۆڕاند.
کێشەکانی هەڵبژاردەکە لەوکاتە قووڵتر بوو کاتێک رۆبێرت لیڤاندۆڤسکی ئەفسانەی وڵاتەکە رایگەیاند تاوەکو مایکڵ پرۆبێرز، راهێنەری هەڵبژاردەکە بێت یاریی بۆ پۆڵەندا ناکاتەوە، چونکە بەشێوەیەکی بێڕێزانە نیشانەی کاپتنی لێسەندووەتەوە و سوکایەتی پێی کردووە.
پاش ماڵاوایی راهێنەرە 52 ساڵانییەکە پێشبینی دەکرێت گۆڵکارە پۆڵەندییەکە لە بڕیارەکەی پاشگەزببێتەوە و جارێکی دیکە یاریی بۆ هەڵبژاردەکەی بکاتەوە.
وردەکاری ناکۆکی لیڤاندۆڤسکی لەگەڵ هەڵبژاردەکەی چی بوو؟ بۆچی یاریزانان لە دژی وەستانەوە؟
