رۆدریگۆ داهاتووی یەکلاییدەکاتەوە و ریال مەدرید لە بڕیارەکەی ئاگاداردەکاتەوە
بڕیاری کۆتایی..
یاریگا –
رۆدریگۆ گۆس، هێرشبەری بەڕازیلی بڕیاریداوە لە ریال مەدرید بمێنێتەوە و لەم هاوینە ماڵاوایی ناکات.
رۆژنامەی مارکا بڵاویکردووەتەوە، رۆدریگۆ پاش ئەوەی لەگەڵ چابی ئاڵۆنسۆ، راهێنەری نوێی یانەکە گفتوگۆی کردووە بڕیاریداوە لە یانەکەی بمێنێتەوە و سەرەڕای گرنگیپێدرانی لەلایەن ئارسیناڵ و چەند یانەیەکی دیکە مانەوەی لە مەدرید هەڵبژاردووە.
بەگوێرەی هەمان سەرچاوە، رۆدریگۆ لە رۆڵە نوێیەکەی لەگەڵ چابی ئاڵۆنسۆ دڵخۆشە و هەست بە ئاسودەیی دەکات، بەردەوام لە مەشقەکانیش دڵخۆش دەردەکەوێت و بەهۆی کاریگەری چابی ئاڵۆنسۆ بیرۆکەی جێهێشتنی ریال مەدریدی لەیادکردووە.
FELIZ 😄🤍⚽️ pic.twitter.com/n8QbYhveSs
— Rodrygo Goes (@RodrygoGoes) June 10, 2025
هێرشبەرە 24 ساڵانییەکە ئێستا لەگەڵ یانەکەی خۆی بۆ جامی جیهانی یانەکان ئامادە دەکات، ریال مەدرید لە 18ـی حوزەیران لە یەکەم یاریی خۆی رووبەڕووی هیلالی سعوودی دەبێتەوە.
رۆدریگۆ لەوەتەی ساڵی 2019 لە ریزەکانی ریال مەدرید یاریی دەکات، هێرشبەرە 24 ساڵانەکە بەرامبەر 45 ملیۆن یۆرۆ لە سانتۆسی بەڕازیلییەوە روویکردە ریزەکانی ریال مەدرید.
