فەرمی؛ ئەستێرەیەکی ناودار بۆندسلیگای جێهێشت
یاریگا –
لیروێ سانێ، هێرشبەری ئەڵمانی گرێبەستەکەی لەگەڵ بایرن میونشن نوێ نەکردەوە و ماڵاوایی کرد.
یانەی گالاتاسەڕای تورکی بەفەرمی رایگەیاند، لەگەڵ لیروێ سانێ گەیشتوونەتە رێککەوتنی کۆتایی و هێرشبەرە ئەڵمانییەکە پەیوەندی بە یانەکە دەکات. یاریزانەکە گەشتی تورکیای کردووە و ئێستا لە ئیستانبوڵە.
دوێنێ 11ـی حوزەیران، سانێ دوایین ئۆفەری بایرن میونشنی بۆ نوێکردنەوەی گرێبەستەکەی رەتکردەوە و بڕیاریداوە لەم هاوینە بێبەرامبەر یانەکە جێبهێڵێت و یانەکەی لە بڕیارەکەی ئاگادارکردبووەوە.
📌 Official communication from Galatasaray SK:
Negotiations have begun with the football player Leroy Aziz Sané for his transfer to our club.
Respectfully announced to the public. pic.twitter.com/7JnejUBUaO
— Galatasaray EN (@Galatasaray) June 11, 2025
سانێ بۆ ماوەی سێ وەرز و تاوەکو هاوینی 2028 گرێبەست لەگەڵ یانە تورکییەکە واژۆدەکات و مووچەی ساڵانەی 11 ملیۆن یۆرۆ دەبێت.
لیرۆی سانێ هاوینی 2020 بەرامبەر 49 ملیۆن یۆرۆ لە مانچێستەر سیتییەوە پەیوەندی بە بایرن میونشن کرد و ئێستا لە بۆرسەی یاریزانان بەهای ئەو یاریزانە 32 ملیۆن یۆرۆیە.
بەدرێسی بایرن میونشن لە سەرجەم پاڵەوانێتییەکاندا بەشداریی 221 یاریی کردووە، 61 گۆڵی کردووە و 55 گۆڵی دروستکردووە.
4 بۆندسلیگا، 1 جامی جیهانی یانەکان، 1 سوپەری ئەوروپا و 2 نازناوی جامی سوپەری ئەڵمانیای لەگەڵ باڤارییەکان بەدەستهێناوە.
🚨🔥 Enthusiastic welcome for Leroy #Sané in Istanbul. Here he is on the way to the hotel. His medical is scheduled for Thursday morning. Contract with @GalatasaraySK until 2028.@SkySportDE 🇩🇪 pic.twitter.com/LCpk1OMkRv
— Florian Plettenberg (@Plettigoal) June 12, 2025
