تەواو؛ ئەستێرەیەکی بایرن میونشن چارەنووسی یەکلاییدەکاتەوە
بڕیاری کۆتاییە..
یاریگا –
لیروێ سانێ، هێرشبەری ئەڵمانی گرێبەستەکەی نوێ ناکاتەوە و ماڵاوایی لە بایرن میونشن دەکات.
رۆژنامەنووسی سکای ئەڵمانیا فلۆریان پلێتنبێرگ بڵاویکردووەتەوە، لیروێ سانێ دوایین ئۆفەری بایرن میونشنی بۆ نوێکردنەوەی گرێبەستەکەی رەتکردووەتەوە و بڕیاریداوە لەم هاوینە بێبەرامبەر یانەکە جێبهێڵێت و یانەکەی لە بڕیارەکەی ئاگادارکردووەتەوە.
🚨🛑 BREAKING EXCL | Leroy #Sané will NOT extend his contract with FC Bayern!
29 y/o has definitively rejected the modified and improved offer and will leave the club on a free transfer. Bayern informed. @SkySportDE 🇩🇪 pic.twitter.com/tEqPpgqsq2
— Florian Plettenberg (@Plettigoal) June 11, 2025
هاوکات رۆژنامەنووسی فووت مێرکاتۆ سانتی ئاونا بڵاویکردووەتەوە، سانێ لە رێککەوتن لەگەڵ گالاتاسەڕای نزیکبووەتەوە، تاوەکو هاوینی 2028 گرێبەست لەگەڵ یانە تورکییەکە واژۆدەکات و مووچەی ساڵانەی 11 ملیۆن یۆرۆ دەبێت.
بایرن میونشن ئۆفەرێکی پێشکەشی سانێ کردووە بۆ ئەوەی بۆ ماوەی سێ ساڵ گرێبەستەکەی نوێبکاتەوە، بەڵام لیرۆی ئۆفەرەکەی رەتکردووەتەوە و یانەکە جێدەهێڵێت.
🚨🟡🔴🇩🇪 #SüperLig |
🔐 Galatasaray is close to reached a verbal agreement with Leroy Sané
✍️ Contrat valid until June 2️⃣0️⃣2️⃣8️⃣
💰 Salary nets worth €11m@footmercato pic.twitter.com/02eaSi2aN9
— Santi Aouna (@Santi_J_FM) June 11, 2025
جگە لەو ئۆفەرە باڤارییەکان ئۆفەرێکی دیکەیان پێشکەشی یاریزانە 29 ساڵانەکە کردووە و داوایان لێی کردووە لە مۆندیالی یانەکان بە گرێبەستێکی کورتخایەن یاریی بۆ یانەکەیان بکات، کە مۆندیالی یانەکان رۆژی 14ـی ئەم مانگە دەستپێدەکات و تاوەکو رۆژی 13ـی مانگی داهاتوو دەخایەنێت، لەکتێکدا رۆژی 30ـی ئەم مانگە گرێبەستی سانێ کۆتایی دێت،
بەڵام بەو داوایەش رازی نەبووە و پێشبینی ناکرێت لەگەڵ باڤارییەکان بەشداریی جامی جیهانی یانەکان بکات.
لیرۆی سانێ هاوینی 2020 بەرامبەر 49 ملیۆن یۆرۆ لە مانچێستەر سیتییەوە پەیوەندی بە بایرن میونشن کرد و ئێستا لە بۆرسەی یاریزانان بەهای ئەو یاریزانە 32 ملیۆن یۆرۆیە.
وەرزی رابردوو سانێ لەگەڵ بایرن لە سەرجەم پاڵەوانێتییەکان لە 45 یاری 13 گۆڵ و 6 ئەسیستی بە درێسی باڤارییەکان کرد.
