قۆناخەکانی پەیوەندیکردنی دی برۆین بە ناپۆلی بە کوێ گەیشتووە؟
یاریگا –
پەیوەندیکردنی کێڤن دی برۆین بە یانەی ناپۆلیەوە چەند هەنگاوێکی کەمی ماوە و لەم رۆژانی داهاتوودا دەبێتە فەرمی.
دیبرۆین دوای 10 ساڵ یاریکردن بۆ مانچێستەر سیتی بەیەکجاریی ماڵاوایی لە هاندەرانی یاریگای ئیتیحاد کرد، بەڵام تەمەنەکەی نەبووە هۆکار لە بەردەم خواستی یانە بەهێزەکانی ئەوروپا تا هەرچی زووبوو بکەونە هەوڵدان بۆ دەستخستنی توانا و ئەزموونە زۆرەکەی. لە کۆتاییدا ناپۆلی کێبڕکێکەی بردەوە.
بەگوێرەی نوێترین زانیارییەکانی فابریزۆ رۆمانۆ، ناپۆلی پلانی داناوە سبەی پشکنینە پزیشکیەکان بۆ یاریسازە بەلجیکیەکە بکات. ئەویش هەرچی زووە تەواوی بەڵگەنامەکان واژۆ بکات و گواستنەوەکەی ببێتە فەرمی.
🚨🔵 More on Kevin De Bruyne and Napoli. The club plans for medical tests to take place on Thursday.
KDB should sign all documents soon and then… here we go. ⏳🏁 pic.twitter.com/ahSxshXiAJ
— Fabrizio Romano (@FabrizioRomano) June 10, 2025
ناپۆلی کە پاڵەوانی خولی ئیتاڵی بوو، وەک یاریزانی ئازاد و بەخۆڕایی دیبرۆین دەگوازێتەوە. دەیەوێ سوود لە ئەزموونە زۆرەکەی وەربگرێت. بۆیە تەنها دابینکردنی مووچەکەی دکەوێتە ئەستۆی یانەکە.
چەند هەفتەیەک لەمەوبەر هەمان رۆژنامەنووس وردەکاریی مووچە چاوەڕوانکراوەکەی ئاشکرا کرد و باسی لەوە کرد مووچەکەی بۆ دوو ساڵی یەکەمی یاریکردنی لە یانەکەی باکووری ئیتاڵیا، بڕی 6 ملیۆن یۆرۆی پوخت دەبێت. لە ساڵی سێیەمیدا کەم دەبێتەوە بۆ 5 ملیۆن.
پاڵەوانێکی پێنج خولە بەهێزەکەی ئەوروپا ئۆفەری پێشکەشی دی برۆین کرد
