تەواو؛ چارەنووسی بێڵینگهام بۆ بەشداریکردنی لە مۆندیالی یانەکان یەکلایی بووەوە
یاریگا –
چارەنووسی جۆب بێڵینگهام بۆ بەشداریکردنی لە مۆندیالی یانەکان یەکلایی بووەوە، لە چەند کاتژمێری داهاتوو برایە بچووکەکەی جود بێڵێنگهام بەفەرمی دەبێتە یاریزانی بۆڕووسیا دۆرتموند.
فلۆریان پلێتینبێرگ رۆژنامەنووسی ئەڵمانی لە کەناڵی سکای سپۆرتسی ئەڵمانی ئاشکرایکردووە، چەند خولەکێکی دیکە بەفەرمی بۆڕووسیا دۆرتموند گرێبەستی جۆب بێڵینگهام برای بچووکی جود بێڵینگهام رادەگەیەنێت و بێڵینگهام لە مۆندیالی یانەکان درێسی زەردەواڵەکان دەپۆشێت.
🚨⚫️🟡 All done and sealed: Jobe #Bellingham will play the Club World Cup with Borussia Dortmund. Announcement coming in a few minutes. 🏴 pic.twitter.com/gnNSSqHRSr
— Florian Plettenberg (@Plettigoal) June 10, 2025
جۆب بێڵینگهام بەرامبەر 33 ملیۆن یۆرۆ لە سەندەرلاندی ئینگلیزییەوە روودەکاتە ریزەکانی بۆڕووسیا دۆرتموند و دەبێتە گرانبەهاترین یاریزانی مێژووی سەندەرلاند، 5 ملیۆن یۆرۆی دیکەش وەکو پاداشت بەگوێرەی ئاست و دەستکەوتەکانی دەکرێت بچێتە سەر نرخی گرێبەستەکەی.
بێڵینگهام (19 ساڵان) شوێنپێی برایە گەورەکەی دەگرێت و درێسی بۆڕووسیا دۆرتموند دەپۆشێت، جۆب وەرزی رابردوو لەگەڵ سەندەرلاند لە چامپیۆنشیپ بەشداریی 43 یاریی کرد، چوار گۆڵ و سێ ئەسیستی کرد.
