رانیێری بڕیاری کۆتایی لەبارەی وەرگرتنی پۆستی راهێنەرایەتی ئیتاڵیادا

یاریگا –

کلاودیۆ رانیێری، ئۆفەری فێدراسیۆنی تۆپی پێی ئیتاڵیای رەتکردەوە و نابێتە راهێنەری داهاتووی هەڵبژاردەی ئیتاڵیا.

رانیێری لە دوای تەواوبوونی وەرزی رابردوو، وازی لە راهێنەرایەتیکردنی رۆما هێنا و ئێستا وەکو راوێژکاری باڵا لە یانەکەی پایتەخت بەردەوامە.

رانیێری لە بەیاننامەیەکی کورتدا روونیکردووەتەوە؛

سوپاسی سەرۆک گراڤینا بۆ رەخساندنی ئەم دەرفەتە دەکەم، ئەمە شەڕەفێکی گەورەیە، بەڵام دەمەوێت لە رۆما بمێنمەوە و بەتەواوی پابەندی رۆڵە نوێیەکەی خۆمم.

گروپی فریدکینس تەواوی پاڵپشتی خۆیان بۆ دەربڕیوم و پشتیوانی بڕیارەکەم دەکەم، بەڵام دووپاتیدەکەمەوە، خۆم خاوەنی بڕیاری خۆمم

دوای دۆڕانی یەکەم یاریی لە پاڵاوتنەکانی مۆندیالی 2026 بەرابەر هەڵبژاردەی ماسێدۆنیای باکوور، یەکێتی تۆپی پێی ئیتاڵیا، لوسیانۆ سپالێتی لە پۆستەکە دوورخستەوە.