تەواو؛ یاریزانێکی سێریا ئەی دەچێتە ریزەکانی هیلالی سعوودی
یاریگا –
هیلال لەگەڵ رۆما لەبارەی ئانجێلینۆ بەرگریکاری چەپی یانەکە گەیشتە رێککەوتن، بەرگریکارە ئیسپانییەکە روودەکاتە خولی رۆشنی سعوودی.
سانتی ئاونا رۆژنامەنووسی فەڕەنسی ئاشکرایکردووە، هیلالی سعوودی لەبارەی خۆسێ ئانجێلینۆ بەرگریکاری 28 ساڵان گەیشتووەتە رێککەوتن، ئەو بەرگریکارە ئیسپانییە لە چەند کاتژمیری داهاتوو لە پاریس پشکنینی پزیشکی بۆ دەکرێت بۆ ئەوەی پەیوەندی بە ریزەکانی یانە سعوودییەکەوە بکات.
🚨🔵🇪🇸 #SPL |
🔐 Agreement reached between AS Roma and Al-Hilal for Angeliño
✈️ The left back will undergo medical tests in Paris in the next hours
⏳️ Small details are still missing but Al-Hilal confident to seal the deal quickly@footmercato pic.twitter.com/vjPvcZdGZl
— Santi Aouna (@Santi_J_FM) June 9, 2025
جیانلوکا دی مارزیۆ رۆژنامەنووسی ئیتاڵی ئاشکرایکردووە، چەند وردەکارییەکی بچووک لە گرێبەستەکەی ئانجێڵینۆ ماوە، ئەو بەرگریکارە ئیسپانییە بەرامبەر 22 بۆ 25 ملیۆن یۆرۆ دەچێتە ریزەکانی هیلال، بەڵام یانە سعوودییەکە جگە لەو بەرگریکارە چەپە هێشتا چاوی لە گواستنەوەی تیۆ هێرناندێزە و دەیەوێت ئەو بەرگریکارە فەڕەنسییەش بگوازێتەوە ریزەکانی، کە سیمۆنی ئینزاگی ئەرکی راهێنەرایەتی یانەکەی گرتووەتە ئەستۆ.
#Calciomercato | L’#AlHilal farà un ultimo tentativo per Theo #Hernandez. In caso negativo, si chiuderà per #Angelino: accordo quasi raggiunto con la #Roma e con il terzino spagnolo
— Gianluca Di Marzio (@DiMarzio) June 9, 2025
ئانجێڵینۆ (28 ساڵان) هاوینی 2024 لە لایپزیگی ئەڵمانییەوە پەیوەندی بە ریزەکانی رۆما کرد و ئێستا لە بۆرسەی یاریزانان بەهای ئەو بەرگریکارە ئیسپانییە 15 ملیۆن یۆۆریە، لەگەڵ جیالۆڕۆسی وەرزی رابردوو بەشداریی 51 یاریی کرد، 4 گۆڵ و 6 ئەسیستی کرد.
