یاریگا –
وەکو چاوەڕوان دەکرا، بارسێلۆنا بەفەرمی رۆیشتنی کلیمێنت لێنگلێت بەرگریکاری یانەکەی لە ریزەکانی راگەیاند، بە رەزامەندیی هەردوولا گرێبەستەکەیان هەڵوەشاندەوە.
یانەی بارسێلۆنا لە بەیاننامەیەکیدا رایگەیاندووە، بە رەزامەندیی هەردوولا گرێبەستی کلێمێنت لێنگلێتیان هەڵوەشاندەوە و ئەو بەرگریکارە 29 ساڵانە ریزەکانی بلاوگرانا بەجێدەهێڵێت، کە ئەو بەرگریکارە فەڕەنسییە 160 یاری بە درێسی بارسا کرد و سێ نازناوی لەگەڵ یانەکە بەدەستهێنا.
FC Barcelona and the first team player Clément Lenglet have reached an agreement for the termination of the contract linking the two parties.
— FC Barcelona (@FCBarcelona) June 9, 2025
رۆژنامەی موندۆ دیپۆرتیڤۆی ئیسپانی ئاشکرایکردووە، بارسێلۆنا بەهۆی رۆیشتنی لێنگلێت لە یانەکە لە رووی داراییەوە قازانجێکی زۆر دەکات و 32 ملیۆن یۆرۆی بۆ دەگەڕێتەوە، کە لە یاسای دارایی خاوێن باری لاری یانە کەتەلۆنییەکە هاوسەنگ دەکاتەوە.
یانەی ئاتلێتیکۆ مەدریدی ئیسپانی بەفەرمی رایگەیاندووە، لێنگلێت بۆ ماوەی سێ ساڵ گرێبەستی لەگەڵ یانەکەیان واژۆ کردووە و تا هاوینی 2028 دەبێتە یاریزانی رۆخی بلانکۆس.
Clément Lenglet firma hasta 2028 🔴⚪ pic.twitter.com/222J6R2K5C
— Atlético de Madrid (@Atleti) June 9, 2025
بەرگریکارە 29 ساڵانەکە بە درێسی بارسێلۆنا لە 160 یاری 7 گۆڵ و 3 ئەسیستی کردووە و پێشتر لە ئاتلێتیکۆ مەدریدیش یاریی کردووە، بە درێسی رۆخی بلانکۆس لە 34 یاری 3 گۆڵ و 2 ئەسیستی کردووە.
لێنگلێت ئێستا لە بۆرسەی یاریزانان بەهایەکەی 7.5 ملیۆن یۆرۆیە و وەرزی رابردوو بەشداریی 34 یاریی بارسێلۆنای کرد، دوو هەزار و 876 خولەک یاریی کرد.
