فەرمی؛ ریال مەدرید یاریزانێکی نوێ دەناسێنێت
یاریگا –
سبەی سێشەممە ریال مەدرید دین هاوسن وەک یاریزانی نوێ دەناسێنێت.
ماڵپەڕی فەرمی ریال مەدرید بڵاویکردووەتەوە، سبەی سێشەممە 10ـی حوزەیران لە شاری وەرزشی ریال مەدرید، دین هاوسن، بەرگریکاری ئیسپانی وەک یاریزانی نوێی یانەکە دەناسێنین.
Comunicado Oficial: presentación de @DHuijsen.
— Real Madrid C.F. (@realmadrid) June 9, 2025
سەرەتا فلۆرێنتینۆ پێرێز، سەرۆکی یانەکە پێشوازی لە هاوسن دەکات، واژۆ لەسەر پەڕاوەکانی گرێبەستەکە دەکان و چەند وێنەیەک دەگرن. وێنەگرتن لەگەڵ پازدە نازناوەکەی چامپیۆنزلیگ وەک هەمیشە بەشێک دەبێت لە نەریتی ناسناندی یاریزانە نوێیەکان.
دواتر بەرگریکارە لاوەکە لێدوان بۆ میدیاکان دەدات و وەڵامی پرسیاری رۆژنامەنووسان دەداتەوە.
هاوکات بەگوێرەی زانیارییەکانی کادینا کۆپێ، دوو رۆژ دوای هاوسن و لە پێنجشەممەی داهاتوو ریال مەدرید ئالێکساندەر ئاڕنۆڵد وەک یاریزانی نوێی یانەکە دەناسێنێت.
