دوایین زانیاریی لەبارەی هەوڵەکانی هیلال بۆ گواستنەوەی ئۆسیمین
یاریگا –
یانەی هیلالی سعوودی هەنگاوی زۆری بڕیبوو بۆ گواستنەوەی ڤیکتۆر ئۆسیمینی یاریزانی ناپۆلی کە ئێستا بەخواستن لە یانەی گالاتاسەرای تورکیە.
لە چەند رۆژی رابردوودا سەرچاوە بەناوبانگەکانی سعوودیە بڵاویانکردەوە کە هیلال لەگەڵ ئەستێرە نەیجیریکە نزیکە لە رێککەوتنی کۆتایی بەمەبەستی هەرچی زووە تەواوکردنی گرێبەستەکەی نێوانیانە پێش دەستپێکردنی مۆندیالی یانەکان.
ناپۆلی نایەوێ گۆڵکارەکەی بگەڕێنێتەوە و چاوی لە دەستکەوتنی بڕە پارەیەکی زۆرە کە 75 ملیۆن یۆرۆیە وەک مەرجی هەڵوەشاندنەوەی گرێبەستەکەی خستوویەتیەسەری.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، گرێبەستە چاوەڕوانکراوەکەی نێوان هیلال و ڤیکتۆر نزیکە لە شکستهێنان چونکە لەگەڵ خودی یاریزانەکە نەگەیشتوونەتە رێککەوتن.
رۆمانۆ نووسیوشیەتی کە گالاتاسەرای بەبەهێزیی هاتووەتەپێشەوە بۆ بە هەمیشەییکردنی ئەو یاریزانە 26 ساڵییە و دەیەوێ لە بەرژەوەندی خۆی یەکلایی بکاتەوە.
ئۆسیمین لەگەڵ یانە تورکیەکەدا ئاستێکی خەیاڵی پیشاندا و هۆکارێکی گەورەبوو لەپشت بردنەوەی نازناوی خولەکە کە لە 30 یارییدا توانی 26 گۆڵ و 5 ئەسێست بکات.
🚨❌ Understand Victor Osimhen deal with Al Hilal, about to collapse as there’s no agreement with the player.
👀 Galatasaray have entered strong in the race, trying to get the deal done. pic.twitter.com/jzDyO275HV
— Fabrizio Romano (@FabrizioRomano) June 5, 2025
