یاریگا –
درەنگانی شەوی رابردوو یانەی هیلالی سعوودی بەفەرمی گرێبەستی لەگەڵ سیمۆنی ئینزاگی راهێنەر راگەیاند.
ئینزاگی دوای بەسەربردنی 5 وەرز لەگەڵ ئینتەر میلان و دووجار گەیشتن بە فیناڵی چامپیۆنزلیگ کە نەیتوانی هاندەرانی نێرازوری پێ شادبکاتەوە، سەرەنجام یانەکەی جێهێشت ئەگەرچی هێشتا ساڵێک لە گرێبەستەکەی مابوو.
گرێبەستی راهێنەرە ئیتاڵیەکە لەگەڵ هیلال بۆ ماوەی دوو ساڵه، واتا تا ساڵی 2027 دەخایەنێت.
Benvenuto, 𝐒𝐢𝐦𝐨𝐧𝐞 𝐈𝐧𝐳𝐚𝐠𝐡𝐢 🇮🇹💙 pic.twitter.com/olLFlhRQJ1
— AlHilal Saudi Club (@Alhilal_EN) June 4, 2025
بەگوێرەی زانیارییەکانی فابریزۆ رۆمانۆ، ئینزاگی بۆ هەر ساڵێک لەگەڵ هیلال بڕی 26 ملیۆن یۆرۆی پێدەدرێت.
🚨🇸🇦 OFFICIAL: Simone Inzaghi signs in as new Al Hilal head coach on two year deal for €26m salary per season. pic.twitter.com/hxESYkfubp
— Fabrizio Romano (@FabrizioRomano) June 4, 2025
ئێستا سیمۆنی خاوەنی دووەم بەرزترین مووچەیە لەسەر ئاستی راهێنەرەکانی جیهان لەدوای دیێگۆ سیمیۆنی راهێنەری ئاتلێتیۆ مەدرید. هاوکات ئەو بڕەی لە سعوودیە وەریدەگرێت، دووهێندەی ئەو مووچەیە لە ئینتەر میلان پێیدەدرا.
