یاریگا –
دوای تەواوبوونی گرێبەستەکەی لەگەڵ یانەی مالاگای ئیسپانی، یانەی نیوکاسڵ یونایتد گرێبەستی فەرمی ئەنتۆنیۆ کۆردیرۆی یاریزانی ئیسپانی ڕاگەیاند.
بەگوێرەی بەیاننامەیەکه‌ی یانه‌ی نیوکاسڵ، گرێبەستەکە بۆ چەند رۆژێكی دیكه‌ی پێده‌چێت تاوه‌كو پڕۆسەی تۆمارکردنی له پریمەرلیگ و یەکێتی تۆپی پێی ئینگلتەرا تەواو دەبێت، لەگەڵ وەرگرتنی ڤیزەی بەریتانیا.
ئەنتۆنیۆ لە شاری جیرێز دی لا فرۆنتێرای ئیسپانیا لە ناوچەی ئاندەلوس لەدایک بووە، یاریی بۆ یانه‌كانی کادیز، سیڤییا، ریال بیتیس و مالاگا،كردووه بۆ تیپی خوار 19 ساڵانی ئیسپانیا یاری دەکات.
✍️ We are delighted to announce the signing of Antonio Cordero who’ll join on 1 July following the expiry of his contract with Málaga
Welcome to the club, Antonio! 🙌
— Newcastle United (@NUFC) June 5, 2025
ئەنتۆنیۆ لە لێدوانێکیدا بۆ ماڵپەڕی فەرمی نیوکاسڵ گوتی، بەڕاستی شانازی دەکەم گرێبه‌ستم له‌گه‌ڵ نیوكاسڵ كرد، پەیوەندیکردن بە یانەیەکی وەک نیوکاسڵ جێگەی شانازیه، هیوادارم له‌گه‌ڵ یانه‌كه بگه‌مه لووتكه.
هه‌روه‌ها گوتیشی، زۆر دڵخۆشم و بەوپەڕی خۆشحاڵییەوە چاوەڕێی یه‌كه‌م یارییم به درێسی یانه‌كه.
پۆڵ میچڵ، بەڕێوەبەری وەرزشی یانەی نیوکاسڵ یونایتد له‌سه‌ر گواستنه‌وه‌ی کۆردیرۆی دەڵێت، ئەنتۆنیۆ بەهرەمەندێکی سەرنجڕاکێشە، ئێمە زۆر خۆشحاڵین كه توانیمان گرێبه‌ست له‌گه‌ڵ ئه‌و یاریزانه به‌هره‌مه‌نده بكه‌ین، توانایەکی زۆری هەیە.
