چێڵسی گواستنەوەی ئەستێترەیەکی دیکەی راگەیاند
یاریگا –
یانەی چێڵسی ئینگلیزی گواستنەوەیەکی دیکەی ئەنجامدا و گرێبەستەکەی بەفەرمی راگەیاند.
بەگوێرەی بڵاوکردنەوەی پۆستێک لە پێگە فەرمیەکانی خۆیەوە، یانە لەندەنییەکە گواستنەوەی لیام دێلاپی راگەیاند.
بەگوێرەی زانیارییەکانی فابریزۆ رۆمانۆ، گواستنەوەی دیاپی هێرشبەر لە ئێپسویچ تاونەوە بۆ ریزەکانی بلووز تا ساڵی 2031 و بە بڕی 30 ملیۆن پاوەند بووە.
Liam Delap, welcome to our house. 🏡 pic.twitter.com/EO3GIT0mlv
— Chelsea FC (@ChelseaFC) June 4, 2025
لە وردەکاریی زانیارییەکانی رۆمانۆدا ئەوە هاتووە کە گۆڵکارە 22 ساڵیەکە چێڵسی بەسەر 6 یانەی دیکەدا هەڵبژاردووە کە خواستیان بۆ گواستنەوەی پیشاندابوو.
🚨🔵 OFFICIAL: Liam Delap joins Chelsea on £30m deal from Ipswich Town.
Contract until June 2031 as Delap wanted and picked Chelsea over +6 proposals this summer. pic.twitter.com/aWkEG6pS90
— Fabrizio Romano (@FabrizioRomano) June 4, 2025
ئەو ئاستەی دێلاپ لەگەڵ ئێپسویچ پێشکەشی کرد لەگەڵ سەرکەوتنیان بۆ پرێمەرلیگی وەرزی رابردوو کە تێیدا 12 گۆڵ و 2 ئەسێستی کرد، وای لە یانەکان کرد بە جیدی بیر لە گواستنەوەی بکەنەوە، تا لە کۆتاییدا چێڵسی گرەوەکەی بردەوە.
گواستنەوەی لیام دووەم گواستنەوەیە لەماوەی تەنها دوو رۆژدا بۆ ستامفۆردبریج. دووشەممەی رابردوو یانە شینپۆشەکەی لەندەن گرێبەستی داریۆ ئیسوگۆ یاریزانی پۆرتوگالی یانەی سپۆرتینگ لیسبۆنەی بۆ ریزەكانی یانەكەی راگەیاند.
