فەرمی؛ ئارسیناڵ رۆیشتنی کۆمەڵێک یاریزانی یانەکەی راگەیاند
یاریگا –
ئارسیناڵ بەفەرمی رۆیشتنی کۆمەڵێک یاریزانی لە تیپی پیاوان و خانمانی یانەکەی راگەیاند، کە رەحیم ستێرلینگ و جۆرجینیۆ لە دیارترین یاریزانە رۆێشتووەکانی یانەکەن.
یانەی ئارسیناڵ لە ماڵپەڕی فەرمی خۆی لیستی ئەو یاریزانانەی راگەیاندووە کە کۆتایی ئەم مانگە یانەکە بەجێدەهێڵن، گەنەرز ئاشکرایکردووە هەریەکە لە نێتۆ، رەحیم ستێرلینگ، جۆرجینیۆ و کیران تیێرنی یانەکە بەجێدەهێڵن و گرێبەستەکەیان نوێ ناکرێتەوە، کە رۆژی 30ـی ئەم مانگە گرێبەستەکانیان لەگەڵ ئارسیناڵ کۆتایی دێت.
Always a part of The Arsenal ❤️
We can now confirm which players will be leaving us at the end of the month 👇
— Arsenal (@Arsenal) June 4, 2025
یانەی ئارسیناڵ لە بەیاننامەکەیدا جگە لەوەی لیستی یاریزانە رۆیشتووەکانی بڵاوکردووەتەوە، راشیگەیاندووە لە هەوڵدان گرێبەستی تۆماس پارتی نوێبکەنەوە کە کۆتایی ئەم مانگە گرێبەستی ئەو ناوەڕاستکارە گاناییە کۆتایی دێت، بەڵام میکێل ئارتێتا دەیەوێت لە لەندەن بمێنێتەوە.
گەنەرز وەرزی رابردوو دەستبەتاڵ دەرچوو، نەیتوانی هیچ نازناوێک بەدەست بهێنێت و لەم هاوینەش تاوەکو ئێستا نەیتوانیوە هیچ گرێبەستێک واژۆ بکات، بەگوێرەی سەرچاوەی میدیاکانی بەریتانیا گەنەرز لە گواستنەوەی مارتن زوبیمێندی و ڤیتۆر یۆکێرێش و بێنیامین شیشکۆ نزیکە.
