مارک بارترا باسی نهێنیەکی مێسی لە بارسێلۆنا دەکات

یاریگا –

مارک بارترا بەرگریکاری ریال بێتیس ئاشکرای کرد کە لیۆنێل مێسی لەکاتی لەدەستدانی لێدانی سزا لۆمەی خۆی دەکرد.

9 ساڵ بەسەر جێهێشتنی مارک بارترا لە بارسێلۆنا تێپەڕیوە، بەرگریکاری ئێستای بێتیس یادەوەرییەکی سەرنجڕاکێشی سەبارەت بە لیۆنێل مێسی ئەفسانەی بلاوگرانادا ئاشکرا کرد.

بارترا بە رۆژنامەی مارکای راگەیاند:

بیرمە لیۆنێل مێسی لە گێمی یەکەمی یارییەکەدا لێدانی سزای لەدەستدا و لەناکاو بینیم لە ژووری جلگۆڕین، بە تەنیا دانیشتبوو و جنێوی بەخۆی دەدا، ئەوەندە توڕە بوو کەدرێسەکەی داکەند و بەردەوام لۆمەی خۆی دەکرد. لەناکاو لیۆنێل مێسی هەموو شتێکی لەبیرکرد و لە گێمی دووەمدا بەتەنیا بەسەر یاریگادا زاڵ بوو، ئەمەش وایکرد ببێتە باشترین یاریزانی مێژوو، بەخێرایی ساتی لاوازییەکەی تێدەپەڕاند و دەگەڕایەوە دۆخی ئاسایی دەروونی خۆی و توانی گۆڵ تۆماربکات و لە هەمان یاریی سەرکەوتین.

“Con Messi nos sentábamos muy cerca en el vestuario. Lo he visto cagándose en él mismo y tirándose de la camiseta por fallar un penal. Decía ‘¿Qué hice? ¿Qué hice?’. Luego salía en la segunda parte y era el mejor, se comía el campo”.

🗣️ Marc Bartra, en Viajando con Chester. pic.twitter.com/RBnwy4WOYa

— VSports Team (@VSportsTM) June 3, 2025

مارک بارترا 74 یاری شانبەشانی لیۆنێل مێسی لە بارسێلۆنا کردووە، لە مانگی شوباتی 2010 دەستیپێکرد و هەروەها دوایین یاری خۆی شانبەشانی ئەفسانەکە لە مانگی نیسانی 2016 بەرامبەر سپۆرتینگ خیخۆن کرد.