فێدێریکۆ کیێزا لەگەڵ یانەی داهاتووی رێکدەکەوێت
دەگەڕێتەوە ئیتاڵیا...
یاریگا –
فێدێریکۆ کیێزا دەگەڕێتەوە نیشتمانەکەی و پەیوەندی بە ئەیسی میلان دەکات.
رۆژنامەنووسی ئیتاڵی سێباستیانۆ سارنۆ بڵاویکردووەتەوە، فێدێریکۆ کیێزا رێککەوتنی زارەکی لەگەڵ ئەیسی میلان کردووە و ئامادەیە پەیوەندی بە یانە ئیتاڵییەکە بکات.
هەمان سەرچاوە ئاماژەی بەوەش کردووە، ئێستا ئەیسی میلان گفتوگۆ لەگەڵ لیڤەرپوول دەکات تاوەکو لەگەڵ یانە ئینگلیزییەکە بۆ گواستنەوەی کێێزا بگاتە رێککەوتنی کۆتایی.
🚨Notizia arrivata in piena notte!#Chiesa ha un accordo verbale raggiunto nei giorni scorsi con il @acmilan 🔴⚫️
Il #Milan adesso è in trattativa con il #Liverpool e spera di chiudere ad un prezzo ragionevole pic.twitter.com/9lhMeB7wJd
— Sebastiano Sarno (@Seby_Sarno_) June 3, 2025
هێرشبەرە 27 ساڵانییەکە هاوینی رابردوو یوڤێنتوسی جێهێشت و بەبڕی 12 ملیۆن یۆرۆ پەیوەندی بە لیڤەرپوول کرد، بەڵام بەشداریی تەنیا 13 یاریی رێدزی کردووە، 466′ خولەک یاریی کردووە و 2 گۆڵ و 2 ئەسیستی کردووە.
کیێزا لە کورسی یەدەکی لیڤەرپوول بێزاربووە و بڕیاریداوە بگەڕێتەوە ئیتاڵیا،جیا لە میلان یانەکانی ئینتەر میلان، ناپۆلی و رۆما ئارەزووی گواستنەوەی یاریزانەکە دەکەن.
کیێزا پێشتر لە سێریا ئەی یاریی بۆ فیۆرێنتینا و یوڤێنتوس کردووە، بەدرێسی هەردوو یانەکە بەشداریی 324 یاریی کردووە، 77 گۆڵی کردووە و 57 گۆڵیشی دروستکردووە.
لەگەڵ خانمە پیرەکە دوو نازناوی جامی ئیتاڵیا و نازناوێکی جامی سوپەری ئیتاڵیای بەدەستهێناوە.
