سیمۆنی ئینزاگی داهاتووی خۆی یەكلاییكردەوە
یاریگا –
سیمۆنی ئینزاگی راهێنەری ئیتاڵی یانەی ئینتەر میلان بڕیاریداوە پەیوەندی بە هیلالی سعوودیەوە بكات.
فابریزیۆ رۆمانۆ لە هەژماری تایبەتی خۆی ئاشكرایكرد، لەم هەفتەیەدا سیمۆنی ئینزاگی وەک راهێنەری نوێی هیلال دەستنیشاندەكرێت.
🚨💣 BREAKING: Simone Inzaghi will sign in this week as new Al Hilal head coach, here we go!
Deal in place for the next 3 years with huge salary for the Italian coach due to leave Inter after meeting today.
Feeling was clear yesterday: it had to be, it will be Al Hilal. 🔵🇸🇦 pic.twitter.com/XqAdBbel7J
— Fabrizio Romano (@FabrizioRomano) June 3, 2025
بە گوێرەی زانیارییەكانی فابریزیۆ رۆمانۆ، هەموو شتێک كۆتاییهاتووە و لەم هەفتەیەدا گرێبەستەكە رادەگەیەندرێت.
گرێبەستەكەی بۆ ماوەی سێ ساڵ و تاوەكو 2028 دەبێت و ئینزاگی مووچەیەكی گەورە لە هیلال وەردەگرێت.
ئینتەر میلان وەرزی رابردوو بە راهێنەرایەتیكردنی ئینزاگی نەیتوانی هیچ نازناوێک بباتەوە و وەرزێكی سفر نازناوی بەڕێكرد.
لە یاریی كۆتایی چامپیۆنزلیگ بەرامبەر پاریس سانجێرمان بە ئەنجامێكی گەورە و بە پێنج گۆڵی بێ وەڵام شكستیهێنا و لە یاریی كۆتایی جامی ئیتاڵیاش بە سێ گۆڵی بێ وەڵام بە ئەیسی میلان دۆڕا و هەروەها سوپەری ئیتاڵیاش بەرامبەر میلان شكستیهێنا.
