چارەنووسی کریستیانۆ رۆناڵدۆ لە نەسڕی سعوودی یەکلاییبووەوە
گەرەنتی تەواو بە هێرشبەرە پۆرتوگاڵییەکە دراوە
یاریگا –
کریستیانۆ رۆناڵدۆ بڕیاریداوە لە یانەی نەسڕی سعوودی بمێنێتەوە و لەگەڵ یانەکەی لەبارەی پڕۆژەی داهاتوویان گەیشتووەتە رێککەوتن.
سانتی ئاونا رۆژنامەنووسی فەڕەنسی ئاشکرایکردووە، کریستیانۆ رۆناڵدۆ هێرشبەری پۆرتوگاڵی یانەی نەسڕی سعوودی بڕیاریداوە لە یانەکەی بمێنێتەوە و گرێبەستەکەی نوێبکاتەوە، کە کۆتایی ئەم مانگە گرێبەستەکەی لەگەڵ نەسڕ کۆتایی دێت.
🚨🟡🔵🇵🇹 #SPL |
✍️ No doubt : Cristiano Ronaldo will stay at Al-Nassr, as exclusively revealed
🔐 The agreement has been reached between the parties
✅️ CR7 has received all the necessary guarantees from the PIF to build a competitive. He will be the main decision-maker in… https://t.co/fPY1cvmvTK pic.twitter.com/wgMaIaPZs7
— Santi Aouna (@Santi_J_FM) June 3, 2025
رۆژنامەنووسە فەڕەنسییەکە رایگەیاندووە، سندووقی وەبەرهێنانی گشتی لە سعوودیە گەرەنتی تەواوی بە کریستیانۆ رۆناڵدۆ داوە، تیپێکی رکابەر بۆ وەرزی داهاتوو بۆ یانەی نەسڕ دروست بکات، دەسەڵات بە کریستیانۆش دراوە لەبارەی گرێبەستە نوێیەکانی ئەم هاوینەی نەسڕ بڕیار بدات.
سانتی ئاونا ئاشکرایکردووە، یانەی نەسڕ بەڵێنی بە کریستیانۆ رۆناڵدۆ داوە، لەم هاوینە بەلایەنی کەمەوە سێ بۆ چوار یاریزانی ئەستێرە بباتە ریزەکانی و بەڕێوەبەرێکی وەرزشی نوێش بۆ یانەکە دابنرێت، بەڵێنیان بە رۆناڵدۆ داوە یاریزانێکی دڵی بەرگری و ناوەڕاستکارێک و باڵێکی چەپ بۆ نەسڕ بگوازنەوە.
سانتی ئاونا ئاشکرایکردووە، نەسڕ ئامادەیە دەستبەرداری سادیۆ مانێ و مارسیلۆ برۆزۆڤیچ و ئێمریک لاپۆرتی و ئۆتاڤیۆ بێت، ئەگەر ئۆفەری گونجاویان پێبگات.
دۆن لەگەڵ نەسڕ بەشداری 105 یارییكردووە و توانیویەتی 93 گۆڵ بكات و 19 گۆڵیش درووست بكات، کە لە زستانی 2022 بە گرێبەستێكی ئازاد لە ریزەكانی مانچێستەر یونایتدەوە پەیوەندی بە نەسڕی سعوودیەوە كرد.
