یاریگا –
ئەنجوومەنی یەکێتی تۆپی پێی نێودەوڵەتی بەهۆی پێناڵتییەکەی جولیان ئالڤارێز بەرامبەر ریال مەدرید گۆڕانکاریی لە یاسایەکی تۆپی پێ دەکات و دەشڵێت ‘ستەم لە ئاتلێتیکۆ مەدرید کراوە’.
ئەنجوومەنی یەکێتی تۆپی پێی نێودەوڵەتی ناسراو بە IFAB یاسای تایبەت بە جێبەجێکردنی پێناڵتی هەموار کردەوە، دووپاتیشی کردووەتەوە ستەم لە جولیان ئالڤارێز و ئاتلێتیکۆ مەدرید کردووە، دەبوا سیمۆن مارچینیاک ناوبژیوانی یارییەکە پێناڵتییەکەی ئالڤارێز دووبارە بکاتەوە.
💣Atención, la IFAAB asume la injusticia del penalti de Julián Álvarez
🖊️En la circular de las reglas de juego de ayer ‘comprende a los árbitros’ pero aclara que la regla 14 fue pensada para dos toques ‘voluntarios’
⚽️Añade en la redacción que estos penaltis serán repetidos 👇 pic.twitter.com/0L8LmtkamD
— Alberto Pérez (@albertoperezdoc) June 3, 2025
ئەلبێرتۆ پێرێز رۆژنامەنووسی ئیسپانی لە رادیۆی کادێنا کۆپی ئیسپانی ئاشکرایکردووە، IFAB دووپاتیکردووەتەوە ناوبژیوان لە یاریی ئاتلێتیکۆ مەدرید و ریال مەدرید لە قۆناخی 16ـی چامپیۆنزلیگی وەرزی 2024/2025 ستەمی لە ئاتلێتیکۆ مەدرید و جولیان ئالڤارێز کردووە.
بەگوێرەی یاسایە نوێیەکەی IFAB، ئەگەر یاریزانێک لەکاتێ جێبەجێکردنی پێناڵتی دوو جار پێی بەر تۆپەکە بکەوێت و گۆڵ بکات، ئەوا پێناڵتییەکە دووبارە دەکرێتەوە، بەڵام ئەگەر یاریزانەکە پێناڵتییەکەی گۆڵ نەکرد، ئەوا لێدانە سزایەکە بە بەفیڕۆچوو هەژمار دەکرێت.
لەم وەرزەی چامپیۆنزلیگ لە قۆناخی 16، لێدانێکی یەکلاکەرەوەی ئالڤارێز بەرامبەر ریال مەدرید بە بەفیڕۆچوو هەژمارکرا، لەکاتێکدا هێرشبەرەکەی ئاتلێتیکۆ مەدرید پێناڵتییەکەی گۆڵ کرد، بەڵام دوو جار پێی بەر تۆپکە کەوت.
